Насця любіць музыку, ужо некалькі гадоў грае на гітары. На школьных канцэртах заўсёды гучаць песні ў яе выкананні. Для конкурсу «Акорды мужнасці» Насця выбрала песню «Сіняя хустачка». Гэты выбар быў не выпадковым: Па словах школьніцы, знакамітая песня, якая з'явілася ў 1940 годзе і атрымала сваё другое нараджэнне ў выкананні Клаўдзіі Шульжэнка, натхняла байцоў падчас вайны: «Словы гэтай песні нагадвалі салдатам, за што яны змагаюцца - за родны дом, за сваіх жонак, сясцёр і маці. Гэта песня дапамагала ў самыя цяжкія моманты не падаць духам, ісці наперад, да перамогі».
Як адзначыў намеснік дырэктара Запольскай школы Віталь Палячкоў, такія конкурсы вельмі патрэбныя і карысныя, таму што выяўляюць і падтрымліваюць таленавітых хлопцаў, фарміруючы пры гэтым у падрастаючага пакалення высокія духоўна-маральныя і грамадзянска-патрыятычныя якасці.
Наталля КАРАЛЬКЕВІЧ. Фота Віталя Палякова
Карта сайта