Старшыня абласнога камітэта прафсаюза работнікаў дзяржаўных і іншых устаноў Уладзімір Філімонаў перадаў райбальніцы ад галіновага прафсаюза сертыфікат на суму 500 рублёў. Старшыня Чэрвеньскага раённага аб'яднання прафсаюзаў Вольга Коціна дапоўніла гэту дапамогу прадуктовымі наборамі.
Уладзімір Філімонаў выказаў падзяку медработнікам за іх фізічную і псіхалагічную стойкасць, цярпенне, высокі прафесіяналізм і максімальную самааддачу: «Вы вытрымліваеце нечалавечыя нагрузкі ў трохзменным рэжыме, у ізаляцыі ад родных і блізкіх, праводзіце незлічоную колькасць тэстаў, змагаецеся за кожнага пацыента. Кожны дзень вы здзяйсняеце подзвіг, які заслугоўвае глыбокай павагі і падзякі. І вядома ж, далейшай падтрымкі з боку прафсаюзаў».
Як адзначыла Вольга Коціна, зараз вельмі важна падтрымаць людзей у белых халатах: «Сёння чэрвеньскія медыкі, як практычна ўсе іх калегі па ўсім свеце - гэта сапраўдныя героі, якія круглыя суткі без выхадных і святаў змагаюцца за жыццё і здароўе пацыентаў. Ім даводзіцца вельмі нялёгка, таму важна паказаць ім увагу грамадства, праявіць падтрымку, падняць настрой. Будуць сілы ў іх - будзе каму ратаваць людзей. Мы з вамі! Дзякуй за працу!»
Наталля КАРАЛЬКЕВІЧ. Фота аўтара
Карта сайта