У межах конкурсу адбыўся круглы стол «Мая адукацыя – мая кар'ера». У дыялогу з ліцэістамі ўдзельнічалі начальнік упраўлення прафесійна-тэхнічнай і сярэдняй спецыяльнай адукацыі Аляксандра Пятрова, начальнік галоўнага ўпраўлення па адукацыі Мінаблвыканкама Мікалай Башко, начальнік упраўлення механізацыі і інвестыцый камітэта па сельскай гаспадарцы і харчаванні Мінаблвыканкама Дзмітрый Давыдаў, дэкан факультэта «Тэхнічны сэрвіс у аграпрамысловым комплексе» Дзмітрый Жданко, начальнік рэспубліканскага вучэбна-вытворчага цэнтра Аляксандр Бяльдзейка, намеснік старшыні Чэрвеньскага райвыканкама Лідзія Шчацінка, начальнік упраўлення па адукацыі, спорце і турызме Чэрвеньскага райвыканкама Ірына Змачынская, галоўны інжынер ААТ «Запольскае» Аляксандр Шыдлоўскі.
Гаворка ішла аб тым, што прафесійная адукацыя ў нашай краіне – гэта складаная і шматпрофільная сістэма, якая паспяхова развіваецца, з'яўляючыся прадметам гонару сярод дзяржаў блізкага і далёкага замежжа.
Заключным этапам двух насычаных, напружаных, але вельмі цікавых конкурсных дзён стала ўзнагароджанне. Усе 13 каманд, якія складаюцца з пары навучэнец - майстар вытворчага навучання, атрымалі дыпломы за ўдзел і каштоўныя падарункі.
Абодва прадстаўнікі Смілавіцкага ліцэя - навучэнец Мікіта Палонскі і майстар вытворчага навучання Аляксей Кахновіч - атрымалі дыпломы першай ступені, стаўшы пераможцамі гэтага прэстыжнага конкурсу.
Больш падрабязна аб двух днях спаборніцтваў чытайце ў найбліжэйшым друкаваным варыянце раёнкі.
Наталля КАРАЛЬКЕВІЧ. Фота аўтара
Карта сайта