Цыгарэта ў пачатковы момант мае тэмпературу 310-320°С, якая потым зніжаецца да 240-260°С, час тлення 26-30 хвілін. Выклікаўшы тленне гаручага матэрыялу, напрыклад, матраца, сам недакурак праз некаторы час згасае. Але ўтвораны ім ачаг, можа тлець яшчэ ад 1 да 4 гадзін. Агню як такога няма, чалавек атрымлівае атручванне прадуктамі гарэння.
Недакурак, кінуты на пілавінне, выклікае яго тленне, цяпло, якое вылучаецца пры гэтым, з патокам паветра пранікае ўглыб пілавіння. Праз 2,5-3 гадзіны тэмпература падымаецца да 410-470°С і адбываецца ўзгаранне. Цьмеючы недакурак здольны выклікаць узгаранне паперы, напрыклад, у скрыні для папер. Калі недакурак ляжыць на паверхні, працэс узгарання доўжыцца 40-50 хвілін. Пры трапленні недакурка на глыбінi 5-10 см ён запальваецца значна хутчэй - праз 12-35 хвілін. Прыкладна такія ж наступствы наступаюць пры трапленні недакурка ў сена або салому.
Карта сайта