Як распавяла кіраўнік раённага клуба інтэлектуальных гульняў Ірына Вабішчэвіч, дружалюбныя клубы інтэлектуальных гульняў абменьваюцца гульнявымі матэрыяламі і параўноўваюць вынікі: «На канiкулах клуб «РА» з Лепеля і яго крэатыўны кіраўнік Віктар Радзько падалі для 7-8 класаў чэрвеньскай чацвёртай школы гульню «ПІН-код». Адказам на кожны з дваццаці відэапытанняў была лічба або лік, з якіх трэба было скласці код».
Перамог у гэтай арыгінальнай гульні Станіслаў Манулік з 8 «Б» класа. Характэрна, што ён ведае не толькі колькасць месцаў на хакейнай штрафной лаве і даты першага кругасветнага падарожжа, але і колькасць спаленых падчас Вялікай Айчыннай вайны беларускіх вёсак, якім устаноўлены памятныя дошкі ў мемарыяльным комплексе Хатынь. Чэрвеньскі клуб «Ігумен» дзякуе Лепельскім інтэлектуалам і рыхтуюць пакет пытанняў у адказ.
Наталля КАРАЛЬКЕВІЧ. Фота Ірыны Вабішчэвіч
Карта сайта