Таксама ЖКГ праводзіць замену зношаных цеплатрас, удасканальвае сістэму цеплазабеспячэння. У прыватнасці, дэцэнтралізаваныя наземныя цепласеткі да раённай ветэрынарнай станцыі ў Чэрвені і ў гарадскім пасёлку Смілавічы на вуліцы Садовай. У кацельні вёскі Новыя Зялёнкі зношанае помпавае абсталяванне заменена на сучаснае энергаэфектыўнае з устаноўкай частотных пераўтваральнікаў.
- Энергазберажэнне - гэта комплекс мер і працэдур, якія выгадны эканамічна, – кажа Уладзімір Клім. - Сёлета з пачатку лютага мы зэканомілі паліўна-энэргетычных рэсурсаў на 49381 рубель.
Начальнік кацельнай гаспадаркі таксама распавёў аб леташніх мерапрыемствах, прыбытак ад якіх паступае цяпер. Так, у мінулым годзе былі ўкаранёны пласціністыя цеплаабменнікі замест кожухатрубных у індывідуальных цеплавых пунктах, заменены цеплатрасы, кацёл у кацельні аграгарадка Заполле і асвятляльныя прылады.
- Варта згадаць і кацельню ў Чэрвені, якую ўвялі ў эксплуатацыю ў 2019 годзе - адзначыў Уладзімір Клім. - Яна ацяпляе і дае гарачую ваду амаль у 1100 кватэр горада, два дзіцячыя садкі, чацвёртую школу, цэнтральную раённую бальніцу, фізкультурна-аздараўленчы комплекс, філіял Цэнтра творчасці дзяцей і моладзі. Кацельня працуе на мясцовым біяпаліве - дранцы, што дазваляе пазбегнуць выкарыстання імпартаванага прыроднага газу. Гэта чыстая эканомія.
Уладзімір Клім падкрэсліў, што самыя простыя і элементарныя меры энергазберажэння даступны кожнаму для прымянення ў побыце.
Галіна АКБАЛ. Фота аўтара
Карта сайта