Таццяна Мяшкова і Кацярына Снытко - цырульнікі са стажам, таму і выбар дзейнасці выпаў на тое, што яны ўмеюць і любяць рабіць. Узялі ў арэнду памяшканне на першым паверсе былога рэстарана «Славянка». Закупілі абсталяванне, мэблю, і вось мара пачала збывацца - іх ужо наведалі і засталіся задаволенымi першыя кліенты.
Цырульня «Мара» працуе штодня без выхадных і перапынкаў на абед.
У буднія дні з 8.30 да 18.00, у суботу і нядзелю - з 8.30 да 15.00.
Тут няма папярэдняга запісу: кліента абслугоўваюць адразу, як толькі ён прыйшоў. Адрас – вуліца Карла Маркса, 12. Прыходзьце і ажыццяўляйце свае самыя смелыя задумкі наконт стрыжкі і прычоскі, няхай у «Мары» здзяйсняюцца мары чэрвенцаў аб прыгожай і стыльнай знешнасці.
Наталля КАРАЛЬКЕВІЧ. Фота аўтара
Карта сайта