Падзяка Мінскага абласнога штаба студэнцкіх атрадаў БРСМ аб'яўлена Чэрвеньскаму тэрытарыяльнаму штабу студатрадаў. А студатрад «Лідэр» стаў пераможцам у намінацыі «Лепшы сэрвісны студэнцкі атрад»!
Працаваў «Лідэр» на базе ПМК-237, дзесяць байцоў з чэрвеньскага прафесійнага будаўнічага ліцэя працавалі на ўборцы памяшканняў і тэрыторый. Чэрвеньскі райкам падаў інфармацыю аб «Лідэры» на абласны конкурс «Працоўны семестр-2021». У выніку хлопцы з атрада ўдастоіліся гонару паехаць на рэспубліканскі форум «Маладосць. Праца. Адзінства», дзе атрымалі падарункі і грамату.
Першы сакратар райкама БРСМ Наталля Семянюк выказала вялікую падзяку байцам студатрада за працу, адміністрацыям ПМК-237 і чэрвеньскага будаўнічага ліцэя за дапамогу і падтрымку: «Кожны, хто арганізоўваў працу студатрада, ведае, як гэта цяжка, колькi не трэба сіл і цярпення ўкласці ў розныя пытанні, перш чым падлеткі і моладзь атрымаюць магчымасць зарабіць. Але разам мы дабіліся поспеху! Асобны дзякуй хачу сказаць кіраўніку «Лідэра» ад будаўнічага ліцэя майстру вытворчага навучання Аляксандру Арлоўскаму за праведзеную працу, цярпенне і веру ў сваіх вучняў!»
Наталля КАРАЛЬКЕВІЧ. Фота Аляксандра Арлоўскага
Карта сайта