Жыхары Чэрвеньшчыны розных узростаў імкнуцца ўнесці свой уклад у дабрачыннасць. У рамках рэспубліканскай акцыі «Нашы дзеці», якая працягнецца да 9 студзеня, вучні Запольскай сярэдняй школы наведалі прытулак пры раённым сацыяльна-педагагічным цэнтры.
Казачныя персанажы правялі гульнявую праграму для дзетак і ўручылі падарункі. Дзедам Марозам стаў адзінаццацікласнік Уладзіслаў Толкач. Яго ўнучку Снягурку бліскуча згуляла сямікласніца Вераніка Ляўкавец. Вельмі спадабаўся дзеткам з прытулку персанаж старой Шапакляк ў выкананні адзінаццацікласніцы Ірыны Шыдлоўскай.
Усе гэтыя хлопцы - валанцёры, ужо некалькі гадоў яны працуюць на розных дабрачынных акцыях. Кожны з іх упэўнены: стаць для кагосці чараўніком можа любы чалавек, як дзіця, так і дарослы. Галоўнае - далучыцца да добрых спраў.
Віталь Палякоў,
намеснік дырэктара па выхаваўчай рабоце Запольскай школы.
Фота аўтара
Карта сайта