Як падкрэсліў старшыня Мінгарвыканкама Уладзімір Кухараў, шырокае абмеркаванне праекта Канстытуцыі павінна быць арганізавана на належным узроўні, важна максімальна данесці да насельніцтва сутнасць прапанаваных змяненняў Асноўнага закона.
«Мінгарвыканкамам, адміністрацыямі раёнаў, грамадскімі фарміраваннямі ў студзені-лютым будуць арганізаваны адпаведныя мерапрыемствы, якія прадугледжваюць шырокі ахоп розных катэгорый грамадзян. Адна з ключавых форм — правядзенне дыялогавых пляцовак. Галоўным упраўленнем сфарміравана дзевяць дыялогавых груп з ліку дэпутатаў Савета Рэспублікі і Палаты прадстаўнікоў, Мінгарсавета, членаў Канстытуцыйнай камісіі, экспертаў у сферы дзяржаўнага будаўніцтва, кіраўніцтва Мінгарвыканкама, актывістаў грамадскіх фарміраванняў. Групы замацаваны за кожным адміністрацыйным раёнам горада. Вызначаны пералік працоўных калектываў для правядзення ў іх дыялогавых пляцовак» — распавяла Вольга Чамаданава.
У гэтым спісе пераважна прадпрыемствы і арганізацыі з працоўным калектывам больш за 1 тыс.чалавек.
Плануецца, што ў студзені кожная група правядзе па 2 дыялогавыя пляцоўкі на тыдзень. Гэта значыць усяго павінна адбыцца 72 мерапрыемствы. Графік працы ў лютым будзе складзены пазней.
У працоўных калектывах ад 300 да 1 тыс. чалавек такія мерапрыемствы будуць арганізоўвацца на раённым узроўні - мясцовымі адміністрацыямі, грамадскімі аб'яднаннямі. Па графіку плануецца 148 тэматычных пляцовак.
Акрамя таго, запланавана дзейнасць дыялогавых груп рэспубліканскага ўзроўню. Падключацца да працы і інфармацыйна-прапагандысцкія групы.
Для збору прапаноў і заўваг па праекце Канстытуцыі на тэрыторыі горада арганізавана работа грамадскіх прыёмных. У студзені запланавана правядзенне 4 гарадскіх і 108 раённых прыёмных.
Акрамя таго, у гэтым месяцы павінна адбыцца 215 агульнастудэнцкіх дыялогавых пляцовак у ВНУ і ўстановах прафтэхадукацыі. Будуць і іншыя інфармацыйныя мерапрыемствы з удзелам моладзі, у тым ліку маладзёжныя стрымы, якія запусціў Мiнгарвыканкам у канцы мінулага года.
Сфармаваны групы інфармацыйнага ўзаемадзеяння для працы ў сетцы - у студэнцкіх і працоўных чатах (па словах Вольгі Чамаданавай, колькасць падпісчыкаў - патэнцыйная аўдыторыя - тут перавышае 1 млн чалавек). І створана група аператыўнага рэагавання на дэструктыўныя інфармацыйныя пагрозы з 24 чалавек.
Вольга Чамаданава таксама дала кароткую даведку аб праекце актуальнага дакумента. Адпаведная інструкцыя падрыхтавана для правядзення інфармацыйных мерапрыемстваў з насельніцтвам. «Усяго з 147 артыкулаў дзеючай рэдакцыі Канстытуцыі змене і дапаўненню падвергліся Прэамбула і 80 артыкулаў, больш за 160 нарматыўных палажэнняў. Выключаны 2 артыкулы. Тэкст Канстытуцыі дапоўнены 11 новымі артыкуламі, у тым ліку адной новай главой — аб УНС, якая змяшчае больш за 50 нарматыўных палажэнняў. З улікам паправак тэкст абноўленай Канстытуцыі будзе ўтрымліваць 156 артыкулаў - на 9 больш, чым у дзейнай», - распавяла Вольга Чамаданава. Яна пералічыла асноўныя прапанаваныя змены, больш падрабязна спыніўшыся на замацаванні статусу УНС і яго паўнамоцтвах, размеркаванні паўнамоцтваў галін улады.
«Канстытуцыя ў якасці нязменнага прыярытэту дзяржаўнай палітыкі замацоўвае сацыяльную дзяржаву, якая гарантуе сваім грамадзянам пэўны мінімум дабрабыту ва ўмовах жорсткай рынкавай эканомікі», — падкрэсліла начальнік галоўнага ўпраўлення ідэалагічнай работы і па справах моладзі.
Карта сайта