- Гэты дакумент вызначае будучыню краіны і кожнага з нас. Ён адказвае на пытанні: як далей мы будзем жыць і працаваць, якім будзе ўзровень сацыяльнай абароны і падтрымкі і як будзе развівацца наша дзяржава?
Беларусь на ўсіх гістарычных этапах мела свой унікальны вопыт народаўладдзя і палітычнага ладу. Сёння мы верныя сваім традыцыям. У праекце Канстытуцыі Усебеларускі народны сход прапануецца зрабіць канстытуцыйным органам, своеасаблівым гарантам стабільнасці ў нашай краіне на любым этапе яе развіцця. Пры гэтым паўнамоцтвы Прэзідэнта і парламента будуць пераразмеркаваны. Такім чынам рэалізуюць прынцыпы класічнай дэмакратыі ў сукупнасці з беларускімі традыцыямі і сучаснымі рэаліямі.
Змены закрануць і захаванне гістарычнай памяці, бо гэта той падмурак, без якога немагчыма пабудаваць свабоднае дэмакратычнае грамадства. У апошні час усё часцей здзяйсняюцца спробы разбурыць гэты падмурак, і наш абавязак перад будучымі пакаленнямі — захаваць для іх праўду аб Вялікай Айчыннай вайне і злачынствах фашыстаў. — сказала намеснік старшыні райвыканкама.
Таксама Лідзія Шчацінка падрабязна спынілася на тым, як арганізаваны працэс галасавання і пазначыла алгарытм дзеянняў упершыню прымаючага ўдзел у рэферэндуме.
Галіна Гамеза
Карта сайта