Лідарамі ў намінацыі ад 5,5 да 6,5 кілаграм сталі работнікі малочна-таварнай фермы «Дамавіцк» эксперыментальнай базы «Натальеўск» Чэрвеньскага раёна. За мінулы год на ферме надаілі 7 146 кілаграмаў малака ад кожнай каровы, палепшыўшы леташні вынік на 1 094 кілаграмы. Кіраўнік падраздзялення Зінаіда Шчарбач ганарыцца працай калектыву. Яна пераканана, што гэта агульная заслуга:
- На мой погляд аснова поспеху ў любой гаспадарцы - гэта прафесіяналізм кадраў. Агульны вынік залежыць ад таго, наколькі добрасумленна кожны работнік ставіцца да выканання сваіх абавязкаў. Важна, каб дзеянні ў ланцужку былі вывастраныя і вывераныя, не давалі збояў. Менавіта на такі падыход і наладжваю свой калектыў.
Нядрэнны вынік паказалі і на малочна-таварнай ферме «Натальеўск», якая ўваходзіць у склад аднайменнай гаспадаркі Чэрвеньскага раёна. Па выніках года калектыў па ўдою малака заняў другое месца ў намінацыі да 5 500 кілаграм малака на карову. У 2021 годзе работнікам удалося палепшыць мінулыя паказчыкі на 108%, надаіўшы 7 079 кілаграмаў малака з каровы.
На думку старшыні Мiнскай абласной арганізацыі прафсаюза работнікаў АПК Міхаіла Боды, каб вытворчыя паказчыкі ў гаспадарках раслі, важна цалкам задзейнічаць кадравы патэнцыял і дадаткова прастымуляваць жывёлаводаў. У поспеху некалькі складнікаў. Важная роля адведзена ежы, але галоўнае значэнне маюць кадры. Ад іх прафесіяналізму, захопленасці справай залежыць рост вытворчых паказчыкаў.
- Мэта спаборніцтва - падняць прэстыж чалавека працы, абудзіць жаданне павышаць кваліфікацыю, удасканальвацца ў прафесіі. Спадзяемся, конкурс дазволіць павялічыць вытворчасць і рэалізацыю малака, паспрыяе ўкараненню ў жывёлагадоўлі перадавых прыёмаў і метадаў працы, – сказаў падчас узнагароджання Міхаіл Тарасавіч.
Спаборніцтва сярод малочна-таварных ферм і комплексаў за дасягненне высокіх паказчыкаў у вытворчасці малака ў Мінскай вобласці праходзіць ужо некалькі гадоў. Яго вынікі падводзяць штоквартальна. Удзельнічаць могуць гаспадаркі з колькасцю не менш за 400 дойных кароў, якія забяспечылі рэалізацыю малака гатункам экстра і яго таварнасць адпаведна не менш за 60 і 90 працэнтаў. Пераможцам уручаецца дыплом і прэмія ў памеры 45 базавых велічынь, за другое месца – 35 базавых велічынь.
Анастасія Пашкевіч, старшыня райкама прафсаюза работнікаў АПК
Карта сайта