Ужо адбыліся спаборніцтвы па плаванні. Яны праходзілі ў Мар'інай Горцы пры падтрымцы Пухавіцкага райвыканкама на базе ФАК «Аквамарын».
У індывідуальных заплывах мужчыны спаборнічалі на дыстанцыі 50 метраў, жанчыны на 50 метраў, эстафету плылі 3х50 метраў.
Пераможцам эстафеты стала каманда ваеннага камісарыята Чэрвеньскага і Бярэзінскага раёнаў.
Яе склад: ваенны камісар падпалкоўнік Дзмітрый Сініцкі, начальнік групы прызыву на ваенную службу маёр Аляксандр Дзюк і начальнік мабілізацыйнай групы капітан Аляксандр Сіняк. Афіцэры ў напружанай барацьбе перамаглі ваенкамат Слуцкага і Старадарожскага раёнаў, які заняў другое месца.
Маёр Дзюк вызначыўся і ў індывідуальным заплыве: ён палепшыў свой леташні вынік і заняў другое месца ў асабістым заліку.
Пераможцы і прызёры спаборніцтваў узнагароджаны медалямі і граматамі, а каманды эстафеты — кубкамі. Падводзячы вынік спаборніцтваў, намеснік ваеннага камісара Мінскай вобласці палкоўнік Віталь Ядзевіч адзначыў, што спаборніцтвы прайшлі арганізавана і ва ўпартай спартыўнай барацьбе, і падзякаваў арганізатарам і ўдзельнікам.
Уладзімір Сыпаў, намеснік начальніка напрамка ідэалагічнай работы і сацыяльнай абароны ваеннага камісарыята Мінскай вобласці. Фота аўтара
Карта сайта