Большасць з іх, як напрыклад, Святлана Шут і Ганна Акулік, нашы сталыя падпісчыкі. Наталля Мартыненка завітала на вузел паштовай сувязі разам з мужам Леанідам.
– Калі прыходзіць “Раённы веснік”, мы часам спрачаемся, хто першы будзе яе чытаць – хоць ты два экзэмпляры выпішы, – пажартавала яна.
Вольга Стрыжанкова прыйшла аформіць квартальную падпіску на “раёнку” адмыслова ў Дзень падпісчыка, бо прачытала аб’яву ў газеце. А Ніна Красоўская, прыйшоўшы на пошту па іншых справах, пачула, што да 25 сакавіка “Раённы веснік” можна выпісаць па акцыі танней і адразу ж далучылася да вялікай арміі нашых чытачоў.
Наталля і Аляксандр Качук напачатку былі ў роздуме, але, пагутарыўшы з нашымі карэспандэнтамі, таксама выпісалі “раёнку”, узнавіўшы сяброўства з ёй пасля працяглага перапынку. Падчас афармлення падпіскі Аляксандр падзяліўся сваімі парадамі, як удасканаліць газету.
Сярод тых, хто падпісаўся на “Раённы веснік” у Дзень падпісчыка – Наталля Роскач, Кацярына Пятроўская, Таццяна Бандарык, Валянціна Красоўская, Наталля Ліфанава і іншыя.
Шчыра дзякуем начальніку вузла паштовай сувязі Аляксандры Тарасёнак, якая не толькі дапамагла прыцягнуць увагу да нашага выдання, але і сама афармляла падпісныя абанементы, а таксама прэзентавала падпісчыкам “раёнкі” маляўнічыя часопісы на самы розны густ.
Дзень падпісчыка завяршыўся, але падпіска на “Раённы веснік” працягваецца. Будзем і надалей сябраваць!
Ігнат ЛІПЕНЬ і Галіна Акбал, Фота Ігара Адамовіча і Галіны Акбал
Карта сайта