Згодна з указам Прэзідэнта ад 21 ліпеня 2021 года №281 ветэранам Вялікай Айчыннай вайны і асобам, якія пацярпелі ад наступстваў вайны, штогод да Дня Перамогі выплачваецца матэрыяльная дапамога.
У нашым раёне пад гэты Указ падпадаюць 26 чалавек. Усім ім ужо выплачаны належныя сумы, наш раён першым у вобласці зрабіў гэта.
Грошы да Дня Перамогі выплачвалі ўрачыста, з віншаваннямі, кветкамі, словамі падзякі і добрымі пажаданнямі.
Паездкі па Чэрвеню і раёне працягваліся два дні.
У акцыі ўдзельнічалі начальнік чэрвеньскага ўчастка паштовай сувязі Аляксандра Тарасёнак, начальнік аддзела пенсійнага забеспячэння ўпраўлення па працы, занятасці і сацыяльнай абароне райвыканкама Алеся Пляшкевіч, інструктар чэрвеньскага ўчастка паштовай сувязі Алеся Мінчонак, загадчыца аддзялення забеспячэння дзённага знаходжання для пажылых грамадзян ТЦСАН Оксана Бурлуцкая, старшыня Смілавіцкага сельвыканкама Ірына Марціновіч.
Сярод тых, каго наведала «паштовая дэлегацыя», былі ветэраны Вялікай Айчыннай вайны Мікалай Аляксандравіч Лашук і Пётр Васільевіч Варабей. Усяго за два дні зроблена 18 выплат дома, яшчэ восем чалавек атрымалі грошы на картку.
Наталля КАРАЛЬКЕВІЧ. Фота аўтара
.jpg "Click to enlarge image 27-04-2022-45 (2).jpg")
.jpg "Click to enlarge image 27-04-2022-45 (3).jpg")
.jpg "Click to enlarge image 27-04-2022-45 (4).jpg")
.jpg "Click to enlarge image 27-04-2022-45 (5).jpg")
Карта сайта