Упершыню прадстаўнік нашага раёна адзначаны на такім мерапрыемстве. Гэта малодшы сяржант Андрэй Даньшын. Мама Таццяна - настаўнік малодшых класаў у чэрвенскай СШ №4. Андрэй пасля школы скончыў БДУ па спецыяльнасці «інжынер-энергаменеджэр». Са жніўня па кастрычнік мінулага года працаваў у «Мінскэнерга».
Андрэй падзяліўся ўражаннямі ад сустрэчы ў Доме Афіцэраў: «Прыемна, што адзначылі нашую сям'ю. Вядома ж, было вялікім поспехам паціснуць руку міністру абароны Рэспублікі Беларусь генерал-лейтэнанту Віктару Хрэніну, а таксама атрымаць ад яго ў падарунак гадзіннік! Пра службу магу сказаць, што за гэты час я стаў больш арганізаваным, самастойным, убачыў, што такое сапраўднае войска, бо ва ўніверсітэце ў мяне была толькі ваенная кафедра».
Як адзначыў ваенны камісар Чэрвенскага і Бярэзінскага раёнаў Дзмітрый Сініцкі, малодшы сяржант Даньшын зарэкамендаваў сябе са станоўчага боку з самага пачатку службы: «Гэта сапраўдны патрыёт, дысцыплінаваны, адказны і выканаўчы вайсковец. Тое, што міністр абароны ўручыў Андрэю гадзіннік - гэта рэдкі падарунак, які з'яўляецца марай любога афіцэра».
Наталля КАРАЛЬКЕВІЧ
Карта сайта