Каб гэта падзея засталася ў памяці як сапраўды значная, яе правялі ў Музеі Вялікай Айчыннай вайны. У сценах гэтага знакавага месца з асаблівым сэнсам гучала: «Урачыста клянуся любіць сваю Радзіму, берагчы прыроду, паважаць старэйшых, быць прыкладам для малодшых!»
У гэтыя майскія дні краіна аддае даніну памяці героям, і мы, дарослыя, стараемся зрабіць усё, каб і моладзь адчувала дачыненне да вялікай гісторыі народа-пераможцы.
Ва ўрачыстай цырымоніі прыёму юных смілаўчан у піянеры ўдзельнічала старшы навуковы супрацоўнік музея Наталля Абухова. Яна пажадала нашым хлопцам радасных падзей, творчага натхнення, запалу і поспеху ва ўсіх справах.
Слова «піянер» на ўсіх мовах гучыць аднолькава, і сэнс у яго адзін «ідучы наперадзе». Педагогі школы ўпэўнены, што ўсе нашы вучні, каму павязалі піянерскі гальштук, будуць гонарам школы!
Кіра СОХАР, намеснік дырэктара па выхаваўчай рабоце СШ №2 г.п.Смілавічы.
Фота аўтара
Карта сайта