Чатыры гімназісты прэтэндуюць на медаль. Вынік стане вядомым пасля школьных іспытаў. А сёння на школьнай лінейцы граматы за выдатную вучобу атрымалі хлопцы з іншых класаў. Павіншаваць выпускнікоў, настаўнікаў, бацькоў прыйшлі кіраўнік спраў райвыканкама Ларыса Яфіменка і загадчык раённага метадычнага кабінета ўпраўлення па адукацыі, спорце і турызме райвыканкама - Ала Крук. Ларыса Яфіменка пажадала выпускнікам удачы на экзаменах і ЦТ, паступіць у выбраную навучальную ўстанову, атрымаць прафесію і вярнуцца працаваць у Чэрвеньскі раён. Яна сказала, што малой радзіме ёсць з чым сустрэць маладых спецыялістаў і коратка акрэсліла перспектывы развіцця Чэрвенскага раёна.
На алеі выпускнікоў у двары школы адзінаццацікласнікі 2022 года пасадзілі сваё дрэва.
Галіна ГАМЕЗА
Карта сайта