У гэты дзень прапановы і пытанні прымалі члены раённай арганізацыі грамадскага аб'яднання «Беларускі саюз жанчын» - намеснік старшыні Чэрвенскага райвыканкама Лідзія Шчацінка, начальнік упраўлення па адукацыі, спорце і турызме Ірына Змачынская, галоўны спецыяліст аддзела ідэалагічнай работы, культуры і па справах моладзі Алена Канстанціновіч, дырэктар раённай бібліятэкі Наталля Ліфанава. Пытанні, якія паступілі ў грамадскую прыёмную, датычыліся аздараўлення дзяцей і падлеткаў. У прыватнасці, ці можна набыць пуцёўку ў аздараўленчы лагер «Верас» іншагароднім жыхарам? Начальнік упраўлення Ірына Змачынская адказала, што гэта магчыма пры наяўнасці свабодных месцаў.
- Калі дзіця з іншага раёна або горада, адзін з бацькоў звяртаецца ў камісію па аздараўленні арганізацыі, у якой працуе. Камісія афармляе хадайніцтва на імя начальніка ўпраўлення па адукацыі, спорце і турызме аб выдзяленні пуцёўкі. - сказала яна. - Калі дзіця першы раз у гэтым годзе адпраўляецца на аздараўленне, яно мае права на дзяржаўную датацыю на патанненне кошту пуцёўкі. Астатнюю суму ўнясуць бацькі. Але паўтараю: пры наяўнасці вольных месцаў.
Галіна ГАМЕЗА. Фота аўтара
Карта сайта