Дзевяць нашых землякоў працуюць у Мсціслаўскім лясніцтве Горацкага лясгаса і адзінаццаць - у Нова-Быхаўскім лясніцтве Быхаўскага лясгаса. Вядзецца нарыхтоўка, транспарціроўка і адгрузка драўніны. Работы ў Мсціслаўскім лясніцтве выкананы на 13,1 гектарах, нарыхтавана 3,712 тысячы кубаметраў драўніны. У Нова-Быхаўскім лясніцтве выкананы работы на 8,0 тысячах гектараў, нарыхтавана 3,445 тысячы кубаметраў драўніны.
Колькі ўжо рэалізавана драўніны, куды пойдзе прыбытак ад яе рэалізацыі і колькі яшчэ працы чакае на Магілёўшчыне, распавёў галоўны інжынер Чэрвеньскага лясгаса Антон Зелянкевіч:
— Прыбытак ад рэалізацыі атрымае наш лясгас, бо мы заплацілі дзяржаве за драўніну на пні і ўзялі плошчы ў распрацоўку. На сёння рэалізавана дзелавой хваёвай драўніны - 0,616 тысячы кубаметраў, дзелавой лісцянай - 1,295 тысячы кубаметраў, дроў - 1,296 тысячы кубаметраў.
Агульная плошча буралому, на якой трэба працаваць у Магілёўскай вобласці - 45 гектараў. Працы працягнуцца: наступны працоўны дэсант рыхтуецца на ліпень, а тыя, хто зараз працуе ў іншай вобласці, вернуцца дадому.
Наталля КАРАЛЬКЕВІЧ. Фота Івана БАНДЗIКА
Карта сайта