Чэрвеньскі раённы выканаўчы камітэт

У важнай і адказнай размове прынялі ўдзел намеснік начальніка ўпраўлення па адукацыі, спорце і турызме Чэрвенскага райвыканкама Вольга Лосік, дырэктары школ раёна, вучні і іх бацькі.

Кіраўнікі ўстаноў адукацыі выказалі адабрэнне наконт увядзення адзінай у кожнай навучальнай установе сваёй адметнай формы і расказалі якая работа праведзена ў гэтым напрамку.

Педагогі выслухалі меркаванні бацькоў навучэнцаў і саміх вучняў. У цэлым, ідэю падтрымлівае большасць зацікаўленых у гэтым пытанні, зазначаючы, што адзіная форма будзе садзейнічаць яднанню педагагічнага і вучнёўскага калектываў, павышэнню адказнасці, умацаванню дысцыпліны і іміджу навучальнай установы.

— Дзелавы стыль ідзе кожнаму з нас, у тым ліку дзецям. Да таго ж сацыяльная трансфармацыя грамадства і яго падзел па дастатку, дзякуючы абавязковай форме, не так востра будуць кідацца ў вочы, — падвяла вынік разважанняў Вольга Аляксандраўна. - Педагогам трэба тактоўна і зразумела расказаць, растлумачыць бацькам, якія сумняваюцца, аб карысці новаўвядзення.

На здымках: дырэктар сш№1 г.п. Смілавічы Вячаслаў Марціновіч і Вольга Лосік; дырэктар сш№4 г. Чэрвеня Аксана Канапелька і Вольга Лосік; сваім меркаваннем дзеліцца маці вучаніцы 10 класа сш 3 Аксана Свірыдовіч.

Галіна Гамеза. Фота аўтара