Нараду арганізавалі ў выглядзе відэаканферэнцыі з удзелам ідэолагаў прадпрыемстваў і ўстаноў раёнаў вобласці. Даклад па першай тэме зрабіў Аляксандр Шпакоўскі, беларускі палітычны аглядальнік, член арганізаванай Аляксандрам Лукашэнка камісіі па выпрацоўцы паправак да Канстытуцыі Рэспублікі Беларусь.
Ён адзначыў, што ідэолагі на месцах, ведучы працу ў калектывах, не павінны баяцца «нязручных» пытанняў, што трэба размаўляць з людзьмі сумленна. Але для гэтага трэба валодаць неабходнай інфармацыяй, фактамі і лічбамі і разумець, што эканамічнае становішча Беларусі сёння ўскладнена вайной ва Украіне, сусветным ростам інфляцыі, міжнароднымі санкцыямі і наступствамі каранавіруса.
«Аднак спробы «калектыўнага Захаду» разваліць нашую краіну праваліліся, - сказаў Аляксандр Шпакоўскі. —Мы выстаялі дзякуючы правільна абранай Прэзідэнтам Лукашэнка палітыцы дзяржавы і сёння наша задача захаваць яго ідэі і развіць іх у будучыні, укараніць імпартазамяшчэнне і выйсці дзякуючы гэтаму на новы эканамічны ўзровень».
Наталля КАРАЛЬКЕВІЧ. Фота аўтара
Карта сайта