На раніцу 3 жніўня мясцовыя хлебаробы намалацілі 1567 тон збожжа пры сярэдняй ураджайнасці 35 цэнтнераў з гектара. Добры настрой на плённую працу далі ім раённыя “Зажынкі”, якія прайшлі ў гаспадарцы.
Як распавяла старшыня прафкама ААТ “Раванічы” Тамара Цітавец, кожны шчыруе на жніве з вялікай адказнасцю за ўраджай. Бацька і сын Дзяніс і Данііл Гуськовы – не выключэнне. Некалькі сезонаў яны выходзілі ў поле на адным камбайне. Сёлета – кожны на сваім. Гуськоў-старэйшы – лідар унутрыгаспадарчага спаборніцтва на жніве па намалоту збожжа. Зусім не нашмат адстае ад яго сын.
Сярод вадзіцеляў на адвозцы збожжа першынство ў гаспадарцы трымае Георгій Каралькевіч. Але ў яго ёсць канкурэнт – шматразовы пераможца раённага спаборніцтва на жніве сярод моладзі Аляксандр Прохарчык. Абодвух мы заспелі падчас абеду ў полі. Тут і даведаліся, што сёлета Аляксандр выйшаў з маладзёжнага ўзросту, але гатовы паказаць годны вынік і на дарослым узроўні.
На здымках: Дзяніс і Данііл Гуськовы; клопатамі пра жніво прасякнуты гэтыя дня для галоўнага інжынера гаспадаркі Вячаслава Фашчанкі, старшыні прафкама Тамары Цітавец і галоўнага агранома Алега Церашчука; Аляксандр Прохарчык і Георгій Каралькевіч.
Ігар АДАМОВІЧ. Фота аўтара
.jpg "Click to enlarge image 03-08-22-17 (2).jpg")
.jpg "Click to enlarge image 03-08-22-17 (3).jpg")
Карта сайта