Чэрвеньскі раённы выканаўчы камітэт

У працы мабільнай групы прынялі ўдзел прадстаўнікі Мінскага абласнога ўпраўлення Дэпартамента дзяржаўнай інспекцыі працы Міністэрства працы і сацыяльнай абароны, упраўлення па сельскай гаспадарцы і харчаванні райвыканкама, упраўлення па працы, занятасці і сацыяльнай абароне райвыканкама, Чэрвеньскай раённай энергагазінспекцыі, Чэрвеньскага раённага цэнтра гігіены і эпідэміялогіі, прафесійных саюзаў.

Падчас абследавання былі вывучаны пытанні правядзення інструктажоў, праверкі ведаў па пытаннях аховы працы, медыцынскіх аглядаў працуючых, правядзення прыборнага кантролю на прадмет знаходжання ў стане алкагольнага ап'янення, забеспячэння сродкамі індывідуальнай абароны, наяўнасць на збожжаўборачных камбайнах універсальных медыцынскіх аптэчак, забеспячэння бяспечных умоў працы пры ўборцы ўраджаю і інш.

Праведзены прафілактычныя гутаркі з работнікамі, занятымі на ўборцы ўраджаю, па пытаннях папярэджання вытворчага траўматызму, растлумачана небяспека знаходжання паблізу неагароджаных рухомых частак збожжаўборачных камбайнаў, наступствы парушэння работнікамі патрабаванняў па ахове працы.

Таксама мабільнай групай вывучана выкананне заканадаўства аб ахове працы ў студэнцкім атрадзе «Патрыёт», які працуе на аб'ектах УП «Чэрвеньская ЖКГ».