Сустрэча прайшла ў раённым краязнаўчым музеі. Старшыня прафсаюзнай «пяршоўкі» Уладзімір Рандзіцкі павітаў маладых медработнікаў, павіншаваў з прыходам у дружную сям'ю супрацоўнікаў Чэрвеньскай бальніцы, выказаў упэўненасць, што хлопцам і дзяўчатам спадабаецца ігуменская зямля і яны застануцца тут працаваць пасля адпрацоўкі.
Знаёмства з раёнам правяла старшы навуковы супрацоўнік музея Ірына Вабішчэвіч. Разам з ёй былыя студэнты, пераходзячы з залы ў залу, пераконваліся ва ўнікальнай непаўторнасці нашых мясцін, даведваліся пра знакамітых людзей, ураджэнцаў Чэрвеньшчыны, сярод якіх былі і ўрачы.
Старшыня раённага аб'яднання Вольга Коціна запэўніла, што прафсаюз заўсёды прыйдзе на дапамогу работніку:
— Звяртайцеся з пытаннямі і праблемамі. Разам разбярэмся з усімі цяжкасцямі.
Пасля экскурсіі па музеі, у канферэнц-зале маладыя спецыялісты бальніцы абмяняліся ўражаннямі, і атрымалі па невялікім сувеніры на памяць аб першых працоўных днях ад прафсаюзнай арганізацыі.
Галіна Гамеза. Фота аўтара
Карта сайта