Іван Іванцоў:
– Трэцюю прышчэпку зрабіў літаральна нядаўна, на мінулым тыдні. Пасля двух першых прышчэпак я не хварэў на каранавірусы. Атрымліваецца, хаця і кажуць, што вакцынацыя не дае стоадсоткавай абароны, у маім выпадку ўсё склалася добра. Спадзяюся, так будзе і надалей. І ўсім жадаю здароўя.
Святлана Калтовіч:
- Я прышчапілася паўторна ў жніўні. Шчыра кажучы, прапусціла тэрмін для рэвакцынацыі, які рэкамендуюць медыкі - паўгода. Але зараз так шмат гавораць і пішуць аб новай хвалі каранавіруса, што вырашыла перастрахавацца. Тым больш, што працую ў бібліятэцы і часта маю зносіны з чытачамі. Прышчэплена адчуваю сябе больш упэўнена.
Аляксандр Семчанка:
- Рэвакцынацыю супраць каранавіруса я прайшоў адным з першых у РАУС, разам з кіраўнікамі падраздзяленняў і службаў. Гэты клопат не толькі аб уласным здароўі, але і аб здароўі родных і блізкіх. А яшчэ як супрацоўнік, які адказвае ў аддзеле за ідэалагічную і кадравую работу, я павінен паказваць прыклад асабістаму складу. У нашай службе вельмі важна заўсёды быць у добрай фізічнай форме і не хварэць.
Віктар Шэлехаў:
- Неабходнасць вакцынацыі я добра разумею, бо сам - медык. Да таго ж, маючы самавіты ўзрост, разумею тое, што знаходжуся ў групе рызыкі. Плюс яшчэ і працую, хаця і даўно на пенсіі. У калектыве шмат людзей, а гэта дадатковая рызыка. Таму і зрабіў трэцюю прышчэпку супраць каранавіруса.
Ігар АДАМОВІЧ
Карта сайта