Чэрвеньскі раённы выканаўчы камітэт

У мерапрыемстве ўдзельнічалі пракурор Чэрвеньскага раёна Вадзім Кукалевіч, намеснік старшыні райвыканкама Лідзія Шчацінка, воін-інтэрнацыяналіст Віктар Казачонак, прадстаўнікі грамадскіх аб'яднанняў, у прыватнасці – раённай арганізацыі БСЖ, удзельнікі патрыятычнага атрада «Дазор», вучні і адміністрацыя СШ №3, а таксама гімназіі.

Лідзія Шчацінка ў сваім выступе адзначыла:

— Мне як старшыні першаснай раённай арганізацыі Беларускага саюза жанчын, як маці, як жанчыне вельмі балюча ўяўляць, як гэтыя людзі ішлі на смерць. Бо сярод іх большасць былі жанчыны, дзеці і старыя. Тое, як гітлераўскія захопнікі паводзілі сябе на нашай зямлі, як яны вырашалі, каму жыць, а каму паміраць - гэта неверагодна жорстка. І таксама балюча тое, што ім дапамагалі і нашы, мясцовыя «змагары», здраднікі свайго народа і сваёй зямлі. Вельмі правільна, што на гэта мерапрыемства прыйшлі падлеткі, старшакласнікі. Моладзь павінна ведаць гісторыю сваёй зямлі, свайго народа, і няхай гэта гісторыя не заўсёды маляўнічая і сонечная, а ёсць і жорсткія, крывавыя старонкі, абаграныя крывёю нявінных - гэта таксама трэба ведаць, каб старацца ніколі не паўтарыць. У свеце сёння ёсць прыклады, што адбываецца, калі гісторыю імкнуцца перапісаць. Льецца кроў, гінуць нявінныя. Трэба зрабіць усё магчымае, каб такое не паўтарылася ў нас!

Наталля КАРАЛЬЕВІЧ. Фота аўтара