- Мала таго, дык яшчэ дрэнна чысцяць снег. З-за гэтага некалькі гадоў таму я атрымала сур'ёзную траўму. Цяпер хвалююся і за сябе, і за суседзяў-пенсіянераў. Таму прыйшла па дапамогу. Можа, пасыпаць пяском можна?
Тамара Іванаўна запэўніла, што яна і суседзі гатовы самі развозіць пясчаную сумесь на тачках па вуліцы, калі б яе ім прывезлі. Уважліва выслухаўшы жыхарку Смілавіч, Уладзімір Навіцкі даручыў намесніку па архітэктуры і будаўніцтве Аляксандру Гадуну і дырэктару Чэрвенскай ЖКГ Аляксандру Фомчанку перагледзець графік ачысткі дарог гарадскога пасёлка, у тым ліку праверыць, калі і як чысцяць вуліцу Першамайскую. Аляксандр Гадун адзначыў, што гэта вуліца з грунтавым пакрыццём і таму пясчана-солевая сумесь для яе не падыходзіць: - Соль застаецца на грунтовай дарозе і пасля раставання снегу забірае ў сябе ваду. Такім чынам, на дарожным пакрыцці будзе ўвесь год запасіцца вада, у выніку чаго дарогу размые. Таму прапаную грунтавую дарогу пасыпаць пяском. Гэты варыянт падыдзе.
Старшыня райвыканкама падсумаваў размову падчас прыёму:
– Летась заасфальтаваны чатыры вуліцы ў Смілавічах – Савецкая, Кастрычніцкая, Дзяржынскага, Рэвалюцыйная. У гэтым годзе заасфальтуем Камсамольскую, і ў планах – «горная» вуліца Першамайская. Таму праблема ямачнага рамонту вырашыцца больш за здавальняюча!
Вольга Дзяменкавец
Карта сайта