Чэрвеньскі раённы выканаўчы камітэт

Спаборнічалі ў трох раўндах:

• «Пажарная бяспека»,
• «Правілы дарожнага руху»,
• «Бяспека дзяцей».

Суддзямі на турніры былі: галоўны спецыяліст упраўлення па адукацыі, спорце і турызме Людміла Сакова, намеснік начальніка раённага аддзела па надзвычайных сітуацыях Андрэй Рогаў, участковы інспектар інспекцыі па справах непаўналетніх РАУС Ганна Свірыдовіч.

Тут усё было выбудавана згодна з правіламі вядомай гульні. У кожным раундзе прысутнічалі тэмы з пытаннямі ад 10 да 50 балаў. Пасля таго, як вядучы зачытаў пытанне, права адказу даецца той камандзе, якая першай націснула на званок.

Калі каманда дае дакладны адказ, балы налічваюцца ёй, і яна мае права выбару наступнага пытання. Калі памыляецца - права адказу пераходзіць камандзе, якая раней астатніх націсне на званок. На пытанні ў першых двух раундах адказвалі ўсе члены сям'і, у апошнім спаборнічалі ў ведах дзеці. Характэрна, што ніхто з бацькоў не ўспомніў, хто з рускіх кіраўнікоў выдаў указ, які абавязвае мець сродак пажаратушэння ў кожным доме. Было чатыры варыянты: а) Пётр I, б) Іван Грозны, в) Кацярына II, г) Мікалай I. Сур'ёзнымі былі пытанні на медыцынскую тэму: «Як спыніць крывацёк?», «Што нельга выкрываць, праколваць пры апёках?», «Чым правільней за ўсё змазваць месца апёку?» – Алеем, тлушчам, спіртам, халоднай вадой?» (ад рэд - Праверце сябе знаўцы-бацькі).

Дзецям «Свая гульня» прапанавала назваць па якім нумары трэба тэлефанаваць пры пажары, што трэба назваць найперш, што зрабіць абавязкова?

Дзеці справіліся з заданнямі лепш за бацькоў. Па выніках гульні ўсе атрымалі дыпломы ўдзельнікаў, салодкія і пухнатыя падарункі, размалёўкі. А самыя дасведчаныя таты - вогнетушыцель для аўтамабіля ад Чэрвеньскага РАНС. У перапынках паміж раўндамі дзеці і бацькі весела танчылі пад дынамічную музыку.

Паводле водгукаў усіх пяці сем'яў, мерапрыемства было пазнавальным для дарослых, у многіх пытаннях бяспекі ім варта павучыцца ў малых.

— Выдатная форма выкладання і замацавання правілаў паводзін пры розных экстрэмальных сітуацыях, - сказаў Андрэй Рогаў. – Дзякуем упраўленню па адукацыі, спорту і турызму за пошук новых форм навучання. Спадзяемся на далейшае супрацоўніцтва.

— Мы абавязкова ўлічым заўвагі і пажаданні бацькоў і правядзём такую гульню ў больш пашыраным складзе, — падсумавала Людміла Сакова.

Галіна Гамеза. Фота аўтара