Адной з найбольш значных задач у дзейнасці прафсаюза з'яўляецца стварэнне бяспечных умоў працы. Аб гэтым ішла размова старшыні раённага аб'яднання прафсаюзаў Вольгі КОЦIНАЙ з калектывам СПФ «Аграбуд» у рамках адзінага Дня інфармавання.
Як праінфармавала Вольга Барысаўна, прафсаюзы праводзілі месячнік грамадскага кантролю ўсіх сельгаспрадпрыемстваў па арганізацыі і праходжанні уборачнай кампаніі. Па яе словах, найбольш частымі парушэннямі былі — незабеспячэнне работнікаў спецвопраткай і абуткам, адсутнасць водазабеспячэння ў душавых, дрэннае абсталяванне месцаў прыёму ежы ў палявых умовах. У сельгасарганізацыях з разуменнем паставіліся да паказаных недахопаў і на працягу ўборачнай кампаніі паступова іх ўхілялі.
Так, было арганізавана падлучэнне вады ў КСУП «Ганута-Агра», завершаны рамонт душавой у ААТ «Валевачы», набыты 3 камплекты для харчавання ў палявых умовах у ААТ «10 з'езд Саветаў», ААТ «Чэрвеньскі райаграсэрвіс», ААТ «Запольскае».
Таксама ў час гутаркі з калектывам Вольга Коціна акцэнтавала ўвагу на тым, што ў раённым аб'яднанні прафсаюзаў можна атрымаць любую кансультацыйную дапамогу па ахове працы, тэхніцы бяспекі і іншым прававых пытаннях.
Вольга БАРЫСАВА. Фота аўтара
Карта сайта