Адкрыццё турніру: Дзіма Баркоўскі, капітан каманды з гімназіі "Дзеці Еці". Гэта самая юная каманда турніру, але Дзіма зарэкамендаваў сябе адважным і упартым гульцом! Ён упэўнена і дакладна ціснуў на кнопку ў "Брэйне" і даваў правільныя адказы, што дазволіла камандзе выйграць у "Паддоннай лодкі" з СШ №4.
Надзея турніру: каманда медыкаў "Фартуна". Гэта адна з самых харызматычных і пазітыўных каманд, ужо не першы раз удзельнічае ў гульнях клуба. Прыемна, што пасля вельмі доўгага перапынку медыкі зноў у гульні! Бо 20 гадоў таму менавіта каманда райбальніцы "Эскулапы" была адной з першых, хто ўступіў у інтэлектуальны рух на Чэрвеньшчыне.
Мінус турніру: прыйшло параўнальна мала каманд, дзевяць, пры гэтым тры з іх — дзіцячыя. Бывалі гады, калі збіралася больш дваццаці. Адсутнічалі "13 раён", "Імгненне", "Бензін", "Свет пазітыву", "Галаваломы", "Профі Л". Хочацца спадзявацца, што гэта часова!..
Радасць турніру: яшчэ некалькі чалавек за апошні час стварылі сем'і! Напрыклад, Антон Дарафейчык і Сяргей Аліферка.
Вынікі турніру: "Свая гульня" – 1 месца "Дарослыя", 2 месца – "Вёска", 3 месца - "Вугляпластык".
"Што? Дзе? Калі?" – 1 месца "Дарослыя", 2 месца "Вугляпластык", 3 месца – "Вёска".
"Брэйн-рынг" – 1 месца "Вугляпластык", 2 месца – "45 lines", 3 месца - "Дарослыя".
Галоўны Кубак турніру: каманда "Дарослыя".
Вядучы турніру: Ігар Сячко. Яму і рэгіянальнаму прадстаўніку ў "Блік" - Вадзіму Кузмічу кіраўнік раённага інтэлектуальнага клуба Ірына Вабішчэвіч выказвае асобную падзяку за дапамогу ў правядзенні турніру.
Карта сайта