Талісманы аспрэчвалі перамогу ў асабістым першынстве адразу ў некалькіх дысцыплінах: хуткасны спуск з гары, катанне на каньках, зімовы футбол, танцы і зімовы валейбол. Лісяня Лесік з самага пачатку спаборніцтваў захапіў лідарства і па выніках спаборніцтваў заваяваў першае месца рэйтынгу.
"Такі фестываль праводзіцца шосты раз, чатыры з іх — у Друскінінкаі. Спачатку форум праходзіў у фармаце аднаго дня, які ўключаў у сябе дэманстрацыю розных зімовых відаў спорту. За шэсць гадоў фестываль змяніўся, цяпер ён праводзіцца на працягу некалькіх дзён. Павялічваецца і колькасць удзельнікаў: у цяперашнім іх больш за 3 тыс. чалавек. Конкурс талісманаў займае асаблівае месца ў праграме спаборніцтваў. Лесік праявіў сябе на выдатна! Не магу не адзначыць, што мы былі вельмі рады першымі з усіх еўрапейскіх краін сустрэць гэтага чароўнага лісяня ў сябе ў гасцях", — распавяла прэзідэнт Нацыянальнага алімпійскага камітэта Літвы Дайна Гудзiневiчутэ.
Летась перамога ў турніры талісманаў дасталася прадстаўнікам краіны-гаспадыні.
Зімовы алімпійскі фестываль у Друскінінкаі праводзіцца пры падтрымцы Нацыянальнага алімпійскага камітэта Літвы і з'яўляецца важнай спартыўнай падзеяй у культурным жыцці суседняй краіны.
Карта сайта