Некаторыя хлопцы, вядома, ужо знаёмыя паміж сабой, бо сустракаліся на раённым этапе конкурсу работ даследчага характару дзяцей дашкольнага і малодшага школьнага ўзросту "Я - даследчык". Аднак, з задавальненнем прыйшлі падзяліцца сваімі адкрыццямі з навучэнцамі з іншых устаноў.
У пачатку свята ўсіх удзельнікаў і гасцей павітаў кіраўнік установы адукацыі В. В. Марціновіч.
Адкрыла фестываль навукі выхаванка яслей-саду №1 г.п. Смілавічы Кацярына Корзун, якая прадставіла сваю працу "Чароўныя шкельцы". Чароўнымі шкельцамі дзяўчынка назвала аптычныя прыборы (мікраскоп, лупа, тэлескоп), распавяла, як яны ёй дапамагалі ў працэсе даследавання, затым прадэманстравала, як можна з падручных сродкаў змайстраваць уласны калейдаскоп.
Таня Загар, выхаванка яслей-саду №2 г. п. Смілавічы распавяла ўсім пра сваё адкрыццё "Чаму лісточкі восенню мяняюць свой колер?". Аказваецца, у лісточках, акрамя хларафіла, утрымліваюцца цікавыя рэчывы, якія восенню размалёўваюць наша жыццё ў жоўта-чырвоныя колеры.
Вучні 4 класа СШ №1 г. п.Смілавічы цікава прадставілі свае працы. Соня Самад прадэманстравала некаторыя практыкаванні з артыкуляцыйнай і дыхальнай гімнастыкі. На ўласным прыкладзе даказала, што спяваць трэба заўсёды і ўсюды, для таго, каб быць у добрай форме і выдатным настроі. Яе даследаванне называлася "Спяваць – гэта значыць жыць выдатна!". Музычную тэму працягнуў Марк Комлач працай "Домра - мой лепшы музычны інструмент". Сваім расповедам юны даследчык пераканаў гасцей што "будучыня ў музыцы за домрыстамі", паказаўшы пры гэтым выдатную гульню на сваім любімым музычным інструменце. Яна Кабыш абрала краязнаўчую тэматыку "Вуліца без назвы, як чалавек без імя". Аказваецца ў г. п. Смілавічы 56 вуліц, назвы якіх гучна гучаць і кажуць аб глыбокім сэнсе. Слухаючы Яну, некаторыя ўпершыню даведаліся, што вуліца Мядзведзева, названая ў гонар нашага земляка Яўгена Мядзведзева, які загінуў у Афганістане, мела шэраг іншых назваў: Набярэжная, Убельская, Інтэрнацыянальная.
Завяршыла прадстаўленне работ вучаніца 3 класа СШ №2 г. п. Смілавічы Ксенія Бабіч, якая прапанавала прысутным успомніць прыказкі і прымаўкі. У выніку ўсе былі прыемна здзіўлены: прыказкі і прымаўкі ведаюць не толькі дарослыя, але і дзеці і нават ўжываюць іх у сваёй прамове.
Кожная праца была цікавай і пазнавальнай. Юныя навукоўцы былі ўзнагароджаны дыпломамі ўдзельніка Свята навукі і творчасці. Было прыемна бачыць радасныя твары хлопцаў і гонар у вачах іх кіраўнікоў і бацькоў.
Але і на гэтым наша свята не скончылася. Усіх жадаючых мы запрасілі ў "Навуковыя лабараторыі", так былі названыя кабінеты фізікі і хіміі, дзе настаўнікі М. І. Данілюк і Ю. Б. Душко прадэманстравалі цікавыя і займальныя досведы. І хто ведае, можа ўжо тады ў гэтых юных талентаў нараджаліся новыя ідэі і вылучаліся гіпотэзы. У любым выпадку вочы ў хлопцаў проста "гарэлі", а значыць, свята атрымалася!
Іна Паляк, намеснік дырэктара па вучэбнай рабоце СШ №2 г. п. Смілавічы
Карта сайта