Кіраўніца клуба Вольга Гатоўка распавяла прысутным як выглядалі беларускія нявесты і іх вясельныя вянкі ў пачатку і сярэдзіне ХХ стагоддзя, у якіх строях выходзілі замуж нашы прабабулі і чаму нявеста не павінна кідаць сяброўкам свой вясельны букет. Вольга Аляксандраўна прапанавала паглядзець вясельныя фатаграфіі тых гадоў. Начальнік аддзела народнай творчасці Наталля Кучук пазнаёміла майстроў з абрадам беларускага вяселля і яго традыцыямі. Метадыст цэнтра Антаніна Кавальчук распавяла аб вясельных ручніках, іх відах і арнаментах, якія найбольш часта на іх вышываліся. Майстры народнай творчасці з цікавасцю разглядалі вясельныя ручнікі ручной працы, якія прывезла майстар сектара традыцыйных рамёстваў Тамара Шалупенка. Але асаблівую ўвагу членаў клуба прыцягнула вясельная фата з вяночкам з кветак, якую дала нашаму методисту Галіне Ворнiк жыхарка вёскі Горковская Слабада Валянціна Мікалаеўна Карчэўская. Вясельны вянок з вэлюмам захаваўся ў яе з 1966 года. Удзельнікі пасяджэння з задавальненнем успомнілі і распавялі аб сваіх вясельных гуляннях, аб традыцыях розных раёнаў Беларусі. Маладыя майстры з цікавасцю слухалі майстроў старэйшага пакалення. Ставіцца да народным традыцыям можна па-рознаму: як да забабонаў, перажыткаў мінулага або пыльных музейных «экспанатаў», а можна лічыць крыніцай з жывой вадой шматвяковай мудрасці, назіранняў і ведаў. Народныя вясельныя традыцыі вяртаюць вясельнай урачыстасці яе першапачатковы сэнс. Гэта не проста прыгожае суправаджэнне афіцыйнага афармлення адносін, а святы абрад, які настройвае на доўгае шчаслівае сямейнае жыццё.
Паважаныя жыхары Чэрвеня і Чэрвеньскага раёна, звяртаемся да вас з вялікай просьбай: калі ў вас захаваліся старадаўнія вясельныя фатаграфіі вашых прабабуль і прадзедаў да 1960 года, а таксама вясельная адзенне і іншыя аксэсуары, не пашкадуйце, прынесці іх у Чэрвеньскі цэнтр культуры і вольнага часу для аднаўлення і пашыву старадаўняга вясельнага касцюма жаніха і нявесты нашага раёна. Захаванасць і вяртанне гарантуем.
Наталля Кучук, начальнік аддзела народнай творчасці ДУК "Чэрвеньскі раённы цэнтр культуры і вольнага часу». Фота аўтара
Карта сайта