Маладая ўдава, якая мае траіх малалетніх дзяцей і якая знаходзіцца ў адпачынку па дагляду за дзіцём да 3-х гадоў, сістэматычна ўжывае спіртныя напоі. На працягу года тройчы запрашалася на пасяджэнне камісіі, праходзіла лячэнне ад алкагольнай залежнасці ў медустанове. Праца, якая праводзілася з ёй, не дала вынікаў. Камісія прыняла рашэнне - прызнаць дзяцей маючымі патрэбу ў дзяржаўнай абароне і адабраць траіх дзяцей у маці, тым самым даць шанец маладой жанчыне на працягу паўгода, пакуль дзеці будуць знаходзіцца ў сацыяльным прытулку, даказаць сваю магчымасць быць маці.
Такое ж рашэнне прынята і ў дачыненні да малалетняга дзіцяці, якое пражывае з братам, бо бацькі не выконваюць свае абавязкі па выхаванні сына (не працуюць, але пры гэтым злоўжываюць спіртнымі напоямі).
За знаходжанне непаўналетняй без суправаджэння дарослага ў позні час сутак яе апекуну вынесена папярэджанне. Такое рашэнне камісія прыняла, вывучыўшы ўсе абставіны справы і прыняўшы да ўвагі той факт, што гэта было ўпершыню.
Разглядалася камісіяй справа аб неналежным выкананні бацькоўскіх абавязкаў бацькам, які афіцыйна нідзе не працуе, бо не мае пашпарта, чым ставіць сям'ю ў сацыяльна небяспечнае становішча. З боку РАУС ён быў падвергнуты адміністрацыйнаму пакаранню за адсутнасць дакумента, які сведчыць асобу. Але пашпарта няма і па гэты дзень. Прынята рашэнне аб аказанні Чэрвенскім РАУС садзейнічання ў атрыманні пашпарта гэтаму грамадзяніну. Двое дзяцей у гэтай сям'і знаходзяцца ў сацыяльна небяспечным становішчы, дачка здзейсніла правапарушэнне, складзены новы план работы з сям'ёй.
Маладая мама, мае на выхаванні чатырох непаўналетніх дзяцей і мноства праблем, якія стварыла сабе сама. За апошнія 8 месяцаў змяніла 3 адрасы пражывання, і столькі ж месцаў працы, разглядалася двойчы на пасяджэнні камісіі. Але пры падтрымцы сваякоў (!) змагла на некаторы час вырашыць жыллёвае пытанне, працаўладкавалася.
Старэйшы памочнік пракурора Вадзім Кукалевiч, які прысутнічаў на пасяджэнні камісіі, засяродзіў увагу на праблеме ранняга выяўлення сямейнага недабрабыту, і ў сувязі са зменамі ў Палажэнні аб прызнанні дзяцей, якія знаходзяцца ў сацыяльна небяспечным становішчы, захаванні патрабаванняў заканадаўства па абароне правоў і законных інтарэсаў непаўналетніх .
Наталля Сцяжко,
намеснік старшыні камісіі па справах непаўналетніх Чэрвеньскага
райвыканкама. Фота Таццяны Марцьянавай
Карта сайта