Адзіны Дзень бяспекі дарожнага руху 22 лютага
На запрашэнне адгукнуліся дзеці і бацькі з 1 па 11 клас і 3 каманды з гарадскіх школ. Сабралася больш за 130 чалавек. Спачатку ўсіх чакала ўрачыстае адкрыццё з песнямі, танцамі, хлебам-соллю (сушкі), затым знаёмства, лёсаванне, уручэнне маршрутаў перамяшчэння.
А затым усё адправіліся ў «госці». Кожная каманда пабывала на 5 станцыях. Весела і заўзята праводзілі час у кампаніях: «Казачная», «Саначная», «Лыжная», «Паiграйка», «Папрыгайка».
На «Казачнай» станцыі чакалі пацешныя конкурсы «Нос для Снегавіка», «Пасадзі чыгунок ў печ», на «Саначнай» - трэба было ліха скаціцца з горкі і выканаць заданне, «Папрыгайка» прапаноўвала пагуляць у хакей са швабрамі, «Паiграйка» - гэта суперрухомыя гульні, загадкі, якія дапамагала праводзіць мама Максіма Сечнага, на станцыі «Лыжная» праводзілі самую сапраўдную эстафету «Лыжныя старты».
І вось вынікі падведзены, уручаны граматы камандам.
А затым вядучыя ўсіх запрасілі на станцыю «Самаварная»: гарачы чай, выпечка, бульбачка - усё ў лепшых беларускіх традыцыях.
Дзякуй усім удзельнікам за актыўнасць і суцэльны пазітыў, педагогам за працу на станцыях, бацькам за выдатную хатнюю выпечку і спагадлівасць. У нас атрымалася адпачыць і пазабаўляцца па-беларуску!
Тамара Забаўская, намеснік дырэктара па выхаваўчай рабоце СШ №2 г. Червеня
Карта сайта