Асноўнай з прычын дарожна-транспартных здарэнняў з гэтай катэгорыяй з'яўляецца ігнараванне самімі пешаходамі Правілаў дарожнага руху, а таксама адсутнасць у цёмны час сутак святлоадбівальных элементаў на адзенні пешых удзельнікаў. Нярэдка гэтая катэгорыя удзельнікаў стварае аварыйныя сітуацыі, падвяргаючы небяспецы кіроўцаў і пасажыраў. Часцяком пешаходы свядома парушаюць Правілы, пераходзячы вуліцу ў неўсталяваных месцах, раптам выходзячы на праезную частку з-за прадметаў, якія абмяжоўваюць агляд кіроўцу, ці перабягаючы дарогу на забараняльны сігнал святлафора. Часам яны проста ідуць па кароткім шляху да бліжэйшага прыпынку, лавіруючы паміж рухаючымiся на хуткасці аўтамабілямі, прычым пешаходны пераход можа знаходзіцца побач. Не адзінкавыя выпадкі, калі пешаходы сядзяць, ляжаць на праезнай частцы дарогі, тым самым ствараючы як для сябе, так і для кіроўцы небяспеку! Пагаршаюць становішча і нецвярозыя пешаходы! Паводзіны п'янага немагчыма прадбачыць, таму вадзіцель павінен неадкладна прыняць неабходныя меры засцярогі: спыніцца, аб'ехаць п'янага на такой адлегласці, каб той не змог натыкнуцца на аўтамабіль і вядома ў дадзеным выпадку патэлефанаваць у міліцыю.
У мэтах прафілактыкі ДТЗ з удзелам пешаходаў у перыяд з 15 да 24 лютага 2019 года Дзяржаўтаінспекцыя Чэрвеньскага раёна праводзіць прафілактычную акцыю «Зробім дарогу бяспечнай!». У поле зроку супрацоўнікаў ДАІ таксама будуць вадзіцелі, не прадстаўляючыя перавагі ў руху пешаходам, а таксама выпадкі, якія прывялі да стварэння аварыйнай абстаноўкі. Не застануцца без увагі і самі пешыя ўдзельнікі руху.
ДАІ заклікае вадзіцеляў быць вельмі ўважлівымі і асцярожнымі за рулём, не адцягвацца і ўвесь час трымаць на кантролі дарожную сітуацыю, асабліва ў цёмны час сутак. У населеных пунктах, на нерэгулюемых пешаходных пераходах і пры пад'ездзе да іх рухацца з мінімальнай хуткасцю, каб у выпадку небяспекі, своечасова зрэагаваць і прадухіліць ДТЗ.
Пешаходам таксама праяўляць асцярожнасць і ўважлівасць у дарожным руху, асабліва пры пераходзе нерэгулюемых пешаходных пераходаў. І такім важным элементам бяспекі ў цёмны час сутак як флікер - не варта грэбаваць! Таксама звяртаем увагу і бацькоў на неабходнасць абазначэння святлоадбіўнымі элементамі юных удзельнікаў дарожнага руху! Флікеры павінны быць як на вопратцы, так і на школьнай сумцы дзіцяці! Не будзе лішнім пазначыць дзіцяці як спераду, так і ззаду. У такім варыянце непаўнагадовы пешаход будзе ў бяспецы.
Дзяржаўтаінспекцыя Чэрвеньскага РАУС заклікае грамадзян!
Калі вы бачыце, што на праезнай частцы або паблізу яе знаходзіцца нецвярозы пешаход, неадкладна паведамляйце па тэлефоне GSM 102 у Чэрвеньскі РАУС, магчыма, Ваш званок дапаможа захаваць жыццё.
А.Л. Манулік, старэйшы дзяржаўтаінспектар АДАІ Чэрвеньскага РАУС
Карта сайта