16 лютага Чэрвеньскі раённы аддзел па надзвычайных сітуацыях сумесна з упраўленнем па адукацыі, спорту і турызму Чэрвеньскага выканкама правялі раённы этап конкурсу «Школа бяспекі - 2019», у якім прынялі ўдзел 36 вучняў з 12 устаноў адукацыі. Журы трэба было вызначыць знаўцаў бяспекі ў трох узроставых катэгорыях: 1-4 класы, 5-7 класы і 8-11 класы. Конкурс праходзіў у форме тэставання, дзе для кожнай узроставай групы было падрыхтавана па 50 пытанняў не толькі па правілах бяспекі, але і па гісторыі фарміравання пажарнай службы.
Але удзельнікаў «Школы бяспекі» чакалі не толькі тэсты: усе прысутныя таксама змаглі азнаёміцца з пажарным аварыйна-выратавальным аўтамабілем, прымерыць рыштунак выратавальніка-пажарнага і паспрабаваць ліквідаваць умоўнае загаранне з пажарнага ствала. А пасля праходжання тэставання, хлопцы паўдзельнічалі ў танцавальным флэшмобе.
Па выніках конкурсу «Школа бяспекі» месцы размеркаваліся наступным чынам:
1-я ўзроставая група (1-4 класы):
1 месца - Кацянёў Фёдар (ДУА «СШ №2 г.п. Смілавічы»)
2 месца - Шасток Іван (ДУА «КПК Руднянскі ДС-СШ»)
3 месца - Іванова Вікторыя (ДУА «Валевачэўская СШ Чэрвеньскага раёна»)
2-я ўзроставая група (5-7 класы):
1 месца - Яроцкая Елізавета (ДУА «Валевачэўская СШ Чэрвеньскага раёна»)
2 месца - Дуднік Анастасія (ДУА «КПК Руднянскі ДС-СШ")
3 месца - Скуратовіч Вікторыя (ДУА «СШ №2 iм. А.К.Фегонтава, г. Чэрвеня»)
1-я ўзроставая група (8-11 класы):
1 месца - Высоцкая Аліна (ДУА «Валевачэўская СШ Чэрвеньскага раёна»)
2 месца - Ліфанаў Кірыл (ДУА «СШ №4 г. Чэрвень»)
3 месца - Грыбко Майя (ДУА «КПК Турэцкі ДС-СШ")
Прызёры конкурсу былі ўзнагароджаны дыпломамі і падарункамі Чэрвеньскага раённага аддзела па надзвычайных сітуацыях, а кожны ўдзельнік конкурсу - падзякай і наглядна-выяўленчай прадукцыяй па асновах бяспекі жыццядзейнасці. Таксама журы адзначыла высокі ўзровень падрыхтоўкі ўдзельнікаў конкурсу «Школа бяспекі - 2019».
Карта сайта