Пётр Аляксеевіч Атрошчанка выказаў словы глыбокай павагі загінуўшым у «афганскай» вайне, словы скрухі і спагады іх родным і блізкім, словы падзякі і прызнання мужнасці, вернасці абавязку вярнуўшымся з вайны.
- Мы заўсёды будзем памятаць удзельнікаў той далёкай вайны, усіх, хто захаваў вернасць баявым традыцыямі вайсковай прысягі, - адзначыў Віталь Мікалаевіч Казлоў.
- У памяць пра тыя падзеі напярэдадні побач з помнікам устаноўлена, як музейны экспанат, «Камандная штабная машына», якая брала ўдзел у баявых дзеяннях у Афганістане і прыбыла да нас з Гомельскай вайсковай часткi.
Пасля ўскладання кветак у раённым Цэнтры культуры і вольнага часу прайшоў урачысты канцэрт, на якім прысутнічалі воіны-інтэрнацыяналісты, іх сем'і, родныя і блізкія загінуўшых, ветэраны Вялікай Айчыннай вайны, прадстаўнікі раённай улады, навучэнцы.
У сувязі з юбілейнай датай воінам-інтэрнацыяналістам былі ўручаны: Ганаровая грамата раённага Савета дэпутатаў - Юрыю Cмаленскаму, Падзяка старшыні раённага выканаўчага камітэта - Віктару Казачонку і Генадзю Жыгалковічу, Падзячныя лісты аддзела ідэалагічнай работы, культуры і па справах моладзі - Віктару Альшэўскаму і Якаву Фралову, а таксама Падзячныя лісты аддзела адукацыі, спорту і турызму актывістам арганізацыі. Усе воіны-афганцы атрымалі юбілейны медаль «30 гадоў вываду савецкіх войскаў з Афганістана» з рук ваеннага камісара Артура Чэуса.
Галіна Гамеза. Фота аўтара
Карта сайта