Ахоўныя меры звязаны з пачаткам нерасту ў дадзенага вiда. Шчупак ідзе на нераст раней за іншых веснавых рыб, паколькі не такi патрабавальны да прагрэву вады, а часам нерастуе нават пад лёдам. Прэснаводны драпежнік вельмі важны для балансу iхціафаўны, ён з'яўляецца свайго роду рэгулятарам: знішчае малакаштоўную дробязь, хворых і аслабленых рыб, што спрыяе лепшаму росту каштоўных відаў і аздараўленню іх папуляцый.
Вылаў шчупака падчас нерасту забаронены i цягне сур'ёзную адказнасць. За кожную незаконна здабытую асобіну спаганяецца шкода ў трайным памеры - па 9 базавых велічынь (229,5 рублёў). Таксама парушальніку можа быць прызначаны штраф у памеры ад 20 да 50 базавых велічынь, згодна ст. 15.35 КаАП РБ. Прычыненне шкоды на суму 100 і больш базавых велічынь цягне крымінальную адказнасць па ст. 281 КК РБ і яшчэ больш суровыя санкцыі.
Што ж рабіць, калі шчупак ўсё-ткі трапіў на кручок. Неабходна, па-магчымасць не пашкоджваючы, адпусціць яго ў вадаём.
Гэтак жа нагадваем, што да 31 сакавіка дзейнічае забарона на вылаў сома звычайнага. Сума кампенсацыі шкоды ў выпадку незаконнай здабычы адной асобіны сома ў забаронены перыяд складае 12 базавых велічынь.
Аматарам прыроды дадаткова паведамляем, што захаваць і прымножыць жывёльны і раслінны свет можна не толькі выконваючы правілы вядзення рыбалоўнай гаспадаркі і рыбалоўства і правілы вядзення паляўнічай гаспадаркі і палявання, але і паведаміўшы пра факты браканьерства ў Бярэзінскую міжраённую інспекцыю аховы жывёльнага і расліннага свету па тэлефоне «даверу» (8-01715) 5-31-38.
Карта сайта