Пераможцаў конкурсу ўшаноўвалі ў пяці намінацыях: «Лідэрства і паспяховае кіраўніцтва», «Актыўная жыццёвая пазіцыя», «Духоўнасць і культура», «Гаспадыня сяла» і «Мацярынская слава».
У гэтым годзе арганізатары таксама заснавалі спецыяльную прэмію «Грамадскае прызнанне - 2018».
Чэрвеньскага раёна арганізацыя Беларускага саюза жанчын у рамках гэтай прэміі ўзнагароджана Дыпломам за развіццё дыялогу і плённае супрацоўніцтва з грамадскімі арганізацыямі, рэалізацыю лепшых праектаў, дабрачыннасць і фінансавую самастойнасць. Узнагароду старшыні раённай арганізацыі Алле Шахоцька ўручыла старшыня Мiнскай абласной арганізацыі Беларускага саюза жанчын Святлана Сарока.
У склад дэлегацыі, якая прадставіла Чэрвеньскі раён на ўрачыстасці, увайшла таксама пераможца «Жанчына года Міншчыны-2017» у намінацыі «Мацярынская слава», мама касманаўта Алега Навіцкага - Валянціна Эдуардаўна.
Для ўдзельнікаў і гасцей цырымоніі ўзнагароджання выступіў заслужаны калектыў Беларусі - сімфанічны аркестр Маладзечанскага музычнага каледжа імя М.К.Агінскага пад кіраваннем Рыгора Сарокі. У холах Палаца культуры працавалі прэзентацыйныя пляцоўкі і фотозоны.
Карта сайта