Спаборніцтвы праходзілі ў фізкультурна-аздараўленчым цэнтры «Ігумен». Удзел у іх прынялі 14 каманд, якім трэба было прайсці 4 выпрабаванні: у дартсе, скачках праз скакалку, кідках мяча ў кальцо, плаванні. Кожная ўдзельніца прыносіла сваёй камандзе балы, якія сумаваліся пры падвядзенні вынікаў. Барацьба за месцы разгарнулася сапраўдная.
У выніку ў агульным камандным заліку перамога дасталася камандзе першаснай арганізацыі Цэнтра сацыяльнага абслугоўвання насельніцтва, на другім месцы - прадстаўніцы «пяршоўкі» ЖКГ, на трэцім - аддзела ідэалагічнай работы, культуры і па справах моладзі. Самым відовішчным і эмацыйным, на думку балельшчыкаў, было спаборніцтва па перацягванні канату, якое па-за конкурсам прапанаваў правесці дырэктар фізкультурна-аздараўленчага цэнтра Ігар Фiлiчонак. Перамога ў ім дасталася удзельніцам каманды Цэнтра гігіены і эпідэміялогіі.
У асабістым заліку першыя месцы занялі: скачкі са скакалкай - Святлана Ждановіч (першасная арганізацыя аддзела ідэалагічнай работы, культуры і па справах моладзі райвыканкама); дартс - Наталля Верына (першасная арганізацыя ЖКГ), кідкі ў кальцо - Наталля Гэрмель (першасная арганізацыя Валевачского сельсавета), плаванне - Кацярына Хасяневіч (першасная арганізацыя Смілавіцкага сельсавета).
Усіх удзельніц актыўна падтрымлівалі ў конкурсах заўзятары, якія прыехалі разам са сваімі камандамі.
Людміла РАБЕЦКАЯ. Фота Наталлі КАРАЛЬКЕВІЧ
Карта сайта