І дарослыя, і дзеці з задавальненнем гэта рабілі. Жадаючыя мелі магчымасць пагуляць у бяспройгрышныя латарэі. Можна было выйграць не толькі прысмакі і цацкі, але нават зэдлік, які разыгрываўся разам з іншымі вырабамі з дрэва, прадстаўленымі ў латарэі Чэрвеньскага прафесійнага будаўнічага ліцэя.
Выязны гандаль разгарнула Чэрвеньскага райпо. Можна было купіць разнастайныя харчовыя прадукты, пірагі, булачкі, каўбасы, напоі і многае іншае. Прыемны пах шашлыкоў разносіўся па ўсім лесе. І, вядома ж, галоўным пачастункам свята былі бліны. Іх пяклі на двух вялікіх патэльнях і падавалі з рознай начынкай. Дзеці з задавальненнем ласаваліся папкорнам.
Свае бліны і цэлыя кампазіцыі з іх прадставілі на свяце сельскія Дамы культуры. Быў арганізаваны конкурс на лепшую з іх кампазіцыю. Першае месца заняла "Блінная свінка" Тамары Шалупенка з Вайнілоўскага сектара народнай творчасці (рамёстваў).
Для дзяцей былі арганізаваны гульні. Усе дружна танцавалі пад вясёлыя спевы ансамбля "Завалінка" Турэцкага сельскага Дома культуры.
Кульмінацыяй свята стала спальванне пудзіла Масленіцы - сімвалічнае абвяшчэнне пачатку вясны.
Таццяна Марцьянава. Фота аўтара
Карта сайта