Старшыня яго, пракурор раёна Аляксандр Шабалінскі, адкрыўшы нараду канстатаваў, што за мінулы 2018 год непаўналетнімі і з іх удзелам на тэрыторыі раёна здзейснена 16 злачынстваў (2017-10).
Індывідуальна-прафілактычная праца з непаўналетнімі суб'ектамі прафілактыкі і Чэрвенскім РАУС ажыццяўляецца ў адпаведнасці з Законам Рэспублікі Беларусь ад 17.07.07г. «Аб органах унутраных спраў Рэспублікі Беларусь», Законам Рэспублікі Беларусь ад 31.05.03г. «Аб асновах сістэмы прафілактыкі безнагляднасці і правапарушэнняў непаўналетніх» і іншымі заканадаўчымі актамі Рэспублікі Беларусь.
На тэрыторыі раёна зарэгістравана значнае павелічэнне колькасці злачынстваў, учыненых непаўналетнімі з 10 да 16. У ходзе вывучэння прычын і ўмоў, якія садзейнічалі ўчыненню злачынстваў, устаноўлена, што прычынай здзяйснення злачынстваў, з'явілася не жаданне падлеткаў весці законапаслухмяны лад жыцця, адсутнасць кантролю за іх паводзінамі, колам зносінаў, часам баўлення з боку бацькоў і ўстаноў адукацыі.
Начальнік інспекцыі па справах непаўналетніх Андрэй Мірановіч у сваім выступе адзначыў, што больш за ўсё злачынстваў, учыненых непаўналетнімі зарэгістравана ў г.п.Смілавічы (6), Руднянскім сельсавеце (6), у Чэрвені (3). На пачатак года індывідуальная прафілактычная работа праводзіцца з 55 непаўналетнімі. З іх: 18 дзяўчат і 37 хлопцаў. 17 - навучэнцы школ, 11 - Смілавіцкага аграрнага каледжа, 16 - Смілавіцкага сельскагаспадарчага ліцэя. У мэтах стабілізацыі крымінагеннай абстаноўкі ў падлеткавым асяроддзі, супрацоўнікамі Чэрвеньскага РАУС з зацікаўленымі суб'ектамі прафілактыкі праведзены рэйды з наведваннем месцаў масавага знаходжання, адпачынку моладзі на тэрыторыі раёна. Выяўлена 147 адміністрацыйных правапарушэнняў: распіванне спіртных напояў і з'яўленне ў грамадскім месцы ў п'яным выглядзе, ўцягванне непаўналетніх у антыграмадскія паводзіны, невыкананне абавязкаў па выхаванні дзяцей, невыкананне абавязкаў па суправаджэнні непаўналетніх у начны час і іншыя.
У працяг размовы начальнік раённага аддзела ўнутраных спраў Аляксей Пратаповіч адзначыў, што на тэрыторыі раёна не зарэгістравана цяжкіх і асабліва цяжкіх злачынстваў.
- Всё часцей маладыя людзі здзяйсняюць правапарушэнні і злачынствы ў інтэрнэт прасторы, - сказаў Аляксей Аляксандравіч, - Часта адбываюцца правапарушэння, якія характарызуюцца, нібыта дзіцячымі свавольствамі: паездкі на чужым матацыкле, аўтамабілі без ведама гаспадара («Узяў пакатацца, не збіраўся зганяць, хацеў потым вярнуць»). А гэта ўжо крымінальна каральнае злачынства. Неабходна ўзмацніць правядзенне прафілактычнай працы з падлеткамі, выкарыстоўваючы канкрэтныя прыклады злачынстваў і наступных пакаранняў.
Ала Шахоцька, намеснік старшыні райвыканкама, аналізуючы інфармацыю па гэтым пытанні, выказала меркаванне пра тое, што трэба ўкараняць новыя формы прафілактыкі, улічваючы інтарэсы і захапленні падлеткаў. Неабходна рана выяўляць дзяцей, схільных да жорсткасці, гвалту, суіцыдаў. Турэмнай рамантыцы трэба супрацьпаставіць рэальную карціну жыцця за калючым дротам.
- Больш трэба працаваць з бацькамі ў плане прававых ведаў, - падкрэсліла яна, - Дарэчным лічу правядзенне такой працы на прадпрыемствах падчас Дзён інфармавання, падчас якіх даводзіць бацькам інфармацыю аб правапарушэннях сярод непаўналетніх, каб папярэдзіць і зберагчы.
Падводзячы вынікі нарады, Аляксандр Леанідавіч прапанаваў: вынесці на пасяджэнне камісіі па справах непаўналетніх пытанне вольнага часу падлеткаў і моладзі ў нашым раёне, працягнуць практыку правядзення спецыяльных акцый («Падлетак», «Сябруем з законам» і іншыя), у канікулярны час праводзіць дадатковыя мерапрыемствы па прафілактыцы супрацьпраўных дзеянняў у падлеткавым асяроддзі, праводзіць маніторынгі жыллёва-бытавых умоў сем'яў, у якіх пражываюць непаўналетнія, у мэтах выяўлення фактаў сямейных праблем.
Галіна Гамеза. Фота аўтара
Карта сайта