У Чэрвеньскім раёне распрацавана 35 такіх праектаў: у сферы сацыяльнай абароны - 18, адукацыі - 12, культуры - 2, спорту - 2, аховы здароўя - 1. Першыя крокі зроблены - сфарміравана ідэя, сабраны неабходны пакет дакументаў, разасланыя прапановы патэнцыйным спонсарам - і ўжо ёсць вынікі.
Тэрытарыяльны Цэнтр сацыяльнага абслугоўвання насельніцтва (дырэктар Людміла Шаркова) прыцягнуў дабрачынныя фінансы для рэалізацыі праектаў «Фізкультура усім патрэбна», «Скандынаўская хада», «Формула здароўя». Адгукнуліся беларускія фірмы. Пералічана 3 920 рублёў на ўстаноўку вулічных трэнажораў для інвалідаў. Закуплена інвентара «скандынаўскія палкі» на 198 рублёў, набыты спартыўны інвентар на суму 1 475 рублёў. Восем праектаў знаходзіцца ў працы. Сярод іх «Чыстая энергія» - экалагічны праект па ўстаноўцы сонечных батарэй ў аддзяленні кругласутачнага знаходжання людзей сталага ўзросту і з інваліднасцю ў в.Рудня. Ёсць зацікаўленыя водгукі.
У дзіцячым доме інтэрнаце (дырэктар Эла Барысава) распрацаваны праекты па набыцці і ўсталёўцы спартыўных трэнажораў пад навесам, а таксама купля аўтобуса. Частка першага праекта ўжо рэалізавана. З дапамогай беларускіх камерцыйных арганізацый набыта спартыўнае абсталяванне, заключаны дагавор на суму 16 тысяч беларускіх рублёў.
Псіханеўралагічны дом-інтэрнат (в.а. дырэктара Уладзімір Семіжон) займаецца гуманітарнымі праектамі ўжо даўно. Сёння ў рабоце дзевяць. Два ўжо рэалізаваныя. Першы - пасольства Польшчы паставіла абсталяванне для сушкі яблыкаў. Таксама запланавана закладка фруктовага саду на тэрыторыі інтэрната. Сумарны кошт праекта - 10 тысяч еўра.
Другі - праект «Чыстая вада». Сваю цікавасць да яго выказала амбасада Германіі. Атрыманы станоўчы водгук на супрацоўніцтва.
Праекты ў сферы аховы здароўя, адукацыі, спорту, культуры выглядаюць таксама даволі прывабна і цікава для патрэб сацыяльных устаноў раёна, але пошукі спонсараў ідуць не эфектыўна.
- Сёння мала стварыць пісьменны гуманітарны праект, - сказала Ала Кастанцiнаўна, - трэба навучыцца правільна яго паднесці. Кожны праект павінен быць абгрунтаваны, пераканаўчы, фактычна доказателен, цікавы спонсару.
Галоўны ўрач Цэнтра гігіены і эпідэміялогіі Аляксандр Бутэнка прадставіў увазе кіраўнікоў устаноў канцэпцыю праекта «Здаровы горад». Яна прадугледжвае сумесныя дзеянні ведамстваў па аздараўленні, выхаванню, адукацыі жыхароў раёна. Значную частку ў праекце зойме азеляненне і дэкаратыўнае ўпрыгожванне населеных пунктаў.
Ажыўленую цікавасць выклікаў праект моладзежнага лідэра Паўла Клындюка па абсталяванні ў дзіцячым парку на вуліцы Барыкіна спартыўнай пляцоўкі, дзе маглі б разам займацца падлеткі, дарослыя, людзі з інваліднасцю.
- Па апытанні ў сацсетках, а прыняло ўдзел у ім сто маладых людзей з Чэрвеня, - сказаў Павел, - моладзь гатовая паўдзельнічаць у гэтым выдатным праекце. Адной з прапаноў было: стварыць фонд, куды можна будзе пералічваць грашовыя сродкі. Пакуль пралічваецца кошт.
- Працу па рэалізацыі праектаў неабходна працягнуць, - падагульніла пасяджэнне Ала Шахоцька, - Трэба больш актыўна вылучаць ідэі і рэкламаваць іх, прыцягваючы ў рэгіён патэнцыйных спонсараў і працадаўцаў.
Галіна Гамеза. Фота аўтара
Карта сайта