"Усяго будзе рэалізавана больш за 3 тыс. білетаў для людзей з абмежаванымі магчымасцямі. Кошт на іх складзе 10% ад агульнага кошту квіткоў. Гэта дазволіць паменшыць колькасць забраніраваных, але не выкупленых месцаў. Каб пазбегнуць спекуляцый пры продажы квіткоў, распрацавана двухступеністая сістэма рэгістрацыі. Трэба запоўніць анкету, на працягу 48 гадзін пасля гэтага з пакупніком звяжуцца работнікі, якія дамовяцца, як зручней перадаць гэтыя квіткі заўзятару», - распавяла Алена Сацюк.
На спартыўных аб'ектах II Еўрапейскіх гульняў прадугледжаны спецыяльныя месцы для інвалідаў-калясачнікаў, людзей з аслабленым зрокам і парушэннем апорна-рухальнага апарата, якія дазволяць камфортна назіраць за спартыўнымі баталіямі.
У праграме II Еўрапейскіх гульняў будуць праведзены спаборніцтвы па 15 відах спорту, прычым у васьмі з іх змаганні стануць кваліфікацыйнымі да XXXII Алімпійскіх гульняў 2020 года Токіо (Японія). На мультыспартыўным форуме ў Мінску спаборніцтвы па бадмінтоне, боксе і дзюдо пройдуць у статусе чэмпіянатаў Еўропы. Усяго будзе задзейнічана 12 спартыўных аб'ектаў, уключаючы найбуйнейшыя - нацыянальны алімпійскі стадыён «Дынама», «Мінск-Арэна», «Чыжоўка-Арэна», Палац спорту. Больш за 4 тыс. спартсменаў з 50 краін разыграюць 199 камплектаў узнагарод.
Карта сайта