Вышэйзгаданымi дакументамi прадугледжана аказанне дзяржаўнай фінансавай падтрымкі суб'ектам малога прадпрымальніцтва для рэалізацыі інвестыцыйных праектаў, бізнес-праектаў па наступных напрамках:
- стварэнне, развіццё і пашырэнне вытворчасці;
- арганізацыя, развіццё вытворчасці, рэалізацыя экспартарыентаванай, імпартазамяшчальнай прадукцыі;
- вытворчасць прадукцыі, накіраванай на энерга- і рэсурсазберажэнне;
- укараненне новых тэхналогій.
У мэтах рэалізацыі у 2019 годзе Дзяржаўнай праграмы «Малое і сярэдняе прадпрымальніцтва ў Рэспубліцы Беларусь» на 2016-2020 гады Мінскі абласны выканаўчы камітэт з 20 сакавіка па 22 красавіка 2019 года праводзіць конкурс інвестыцыйных праектаў суб'ектаў малога прадпрымальніцтва для прадастаўлення дзяржаўнай фінансавай падтрымкі з абласнога бюджэту ў выглядзе субсідый на пакрыццё:
- часткі працэнтаў за карыстанне банкаўскімі крэдытамі;
- часткі расходаў на выплату лізінгавых плацяжоў па дагаворах фінансавай арэнды (лізінгу) у частцы аплаты сумы ўзнагароджання (даходу) лізінгадаўца.
Дзяржаўная фінансавая падтрымка можа быць прадстаўлена:
- індывідуальным прадпрымальнікам,
- мікраарганізацыям з сярэдняй колькасцю работнікаў за каляндарны год да 15 чалавек уключна,
- малым арганізацыям з сярэдняй колькасцю работнікаў за каляндарны год ад 16 да 100 чалавек уключна пры ўмове стварэння імі новых працоўных месцаў.
Субсідыі для кампенсацыі часткі працэнтаў за карыстанне банкаўскімі крэдытамі падаюцца ў памеры не больш за 0,5 стаўкі рэфінансавання Нацыянальнага банка Рэспублікі Беларусь, устаноўленай на дату кампенсацыі працэнтаў.
Субсідыі для кампенсацыі часткі расходаў на выплату лізінгавых плацяжоў па дагаворах фінансавай арэнды (лізінгу) у частцы аплаты сумы ўзнагароджання (даходу) лізінгадаўца падаюцца ў памеры, якi не перавышае 0,5 памеру ўзнагароджання (даходу) лізінгадаўца.
Для ўдзелу ў конкурсе суб'ектам малога прадпрымальніцтва неабходна накіраваць у камітэт эканомікі Мінаблвыканкама наступныя дакументы:
- заяўку на ўдзел у конкурсе з указаннем віду і памеру дзяржаўнай падтрымкі, а таксама мяркуемай колькасці новых працоўных месцаў;
- копію сведчання аб дзяржаўнай рэгістрацыі юрыдычнай асобы, статута юрыдычнай асобы (устаноўчага дагавора - для юрыдычных асоб, якія дзейнічаюць на падставе ўстаноўчага дагавора), сведчання аб дзяржаўнай рэгістрацыі індывідуальнага прадпрымальніка;
- звесткі аб сярэдняй колькасці работнікаў (для юрыдычных асоб) і аб'ёме выручкі ад рэалізацыі тавараў (выканання работ, аказання паслуг) без уліку падатку на даданую вартасць за каляндарны год, які папярэднічае году звароту, завераныя подпісам кіраўніка і пячаткай юрыдычнай асобы ці подпісам індывідуальнага прадпрымальніка і пячаткай пры яе наяўнасці;
- тэхніка-эканамічнае абгрунтаванне (у тым ліку фінансавае) інвестыцыйнага праекта;
- бухгалтарскі баланс і дадатак да яго за папярэдні год, а таксама за фактычна адпрацаваны час у бягучым годзе (для суб'ектаў малога прадпрымальніцтва, якія прымяняюць спрошчаную сістэму падаткаабкладання - падатковая дэкларацыя за папярэдні год, а таксама за фактычна адпрацаваны час у бягучым годзе);
- ліст (даведку) банка аб адкрытых рахунках з указаннем асоб, якія маюць права першага і другога подпісу фінансавых дакументаў, аб памеры дэбетавых і крэдытавых абаротаў па рахунках, адкрытых у банку, за апошні месяц, наяўнасці прэтэнзій па неаплачаных рахунках, пратэрмінаванай запазычанасці па крэдытах.
Для атрымання дзяржаўнай фінансавай падтрымкі ў выглядзе субсідыі для кампенсацыі часткі працэнтаў за карыстанне банкаўскім крэдытам суб'екты малога прадпрымальніцтва таксама прадстаўляюць:
- копію крэдытнага дагавора;
- выпiску з пазыковага рахунку;
- графік пагашэння крэдыту і выплаты працэнтаў па ім;
- копіі плацёжных даручэнняў, якія пацвярджаюць мэтавае выкарыстанне крэдыту;
- копіі плацёжных даручэнняў, якія пацвярджаюць выплату налічаных па крэдыту працэнтаў;
- разлік памеру субсідыі на выплату працэнтаў па крэдыце, выраблены банкам.
Для атрымання дзяржаўнай фінансавай падтрымкі ў выглядзе кампенсацыі часткі расходаў на выплату лізінгавых плацяжоў па дагаворах лізінгу (фінансавай арэнды) у частцы аплаты сумы ўзнагароджання (даходу) лізінгадаўца суб'екты малога прадпрымальніцтва дадаткова прадстаўляюць:
- копію дагавора фінансавай арэнды (лізінгу);
- копіі дакументаў, якія пацвярджаюць перадачу аб'екта лізінгу суб'екту малога прадпрымальніцтва;
- разлік памеру субсідыі на выплату сумы ўзнагароджання (даходу) лізінгадаўцу, выраблены лізінгадаўцам;
- копіі дакументаў, якія пацвярджаюць аплату сумы ўзнагароджання (даходу) лізінгадаўцу.
Заяўкі на ўдзел у конкурсе неабходна накіроўваць з 20 сакавіка 2019 года па 22 красавіка 2019 года (уключна) на адрас: 220030, г. Мінск, вул. Энгельса, 4, камітэт эканомікі Мінаблвыканкама.
Карта сайта