На сустрэчу з хлопцамі - вучнямі 3-х і 4-х класаў гімназіі №1 iм. В.А. Караля, СШ №2, СШ №4 і наведвальнікамі бібліятэкі прыйшла карэспандэнт газеты «Раённы веснік» Таццяна Марцьянава. Яна распавяла дзецям пра працу рэдакцыі і аб журналісцкай прафесіі, прадэманстравала відэафільм пра калектыў рэдакцыі, з якога прысутныя даведаліся, хто чым займаецца, паведаміла, як збіраецца інфармацыя і робіцца газета. Хлопцы з цікавасцю слухалі і задавалі пытанні. Іх цікавіла і тое, якой была назва газеты, калі выйшаў яе першы нумар, і тое, як можна стаць журналістам, хто такі карэктар і многае іншае.
Наталля Калтовіча, бібліятэкар аддзела па працы з дзецьмі Чэрвенскай цэнтральнай раённай бібліятэкі.
Фота аўтара
Карта сайта