Гэта 47,1% ад усіх, хто звярнуўся (у 2018 годзе за такі ж перыяд звярнулася 12 чалавек, дзяцей - 6 або 50%). Ад невядомых сабак і катоў пацярпела 7 чалавек, з іх - трое дзяцей (у 2018 годзе - 1 чалавек і гэта - дзіця). Больш за ўсё пацярпелых у г. Чэрвені - 8 выпадкаў або 47,1% і ў г.п. Смілавічы - 4 выпадкі або 23,5%.
У гэты ж перыяд у раёне ўжо зарэгістравана 3 лабараторна пацверджаныя выпадкі шаленства: у в. Баранаўка - у лісы (кантактных - 5 чалавек), у в. Чарнаградзь і в. Лежнi - таксама ў ліс, але кантакту людзей з шалёнымі жывёламі не было). Варта адзначыць, што за ўвесь 2018 год было зарэгістравана 4 лабараторна пацверджаных выпадкаў шаленства сярод жывёл (таксама ўсё ў ліс: у в. Вінаградаўка кантактных - 2 чалавекі, у в. Усохi кантактных - 1 чалавек, у в. Старына і ў г. Чэрвені кантакту людзей з шалёнымі жывёламі не было).
Усім пацярпелым прызначаныя лячэбна-прафілактычныя прышчэпкі супраць шаленства. Выдаткі на антырабічную вакцыну склалі 5 тысяч 764 рублi 08 капеек, не лічачы выдаткаў на бясплатныя для пацыентаў аднаразовыя шпрыцы, антысептыкі і нанесеную маральную шкоду пацярпелым.
Шаленства - смяротнае захворванне, якое можна папярэдзіць. У арсенале ў медыцынскіх работнікаў маюцца досыць эфектыўныя лекавыя сродкі (антырабічнай вакцына і імунаглабулін), аднак яны гарантуюць абарону ад захворвання толькі пры своечасовым звароце пацярпелых па медыцынскую дапамогу.
Калі кантакту з жывёлай, нават вонкава здаровай, ўсё ж пазбегнуць не атрымалася, неабходна ў максімальна кароткія тэрміны самастойна правесці першасную апрацоўку раны - старанна прамыць раневую паверхню на працягу не менш за 15 хвілін струменем вады з мылам, апрацаваць краі раны 5-працэнтнай настойкай ёду і неадкладна звярнуцца ў медыцынскую ўстанову. Толькі лекар можа ацаніць рызыку магчымага заражэння вірусам шаленства і прызначыць, пры неабходнасці, прышчэпачны курс.
Варта памятаць: чым раней пачата імунізацыя супраць шаленства, тым верагодней спрыяльны зыход у сітуацыі, якая склалася.
Ні ў якім разе не варта адмаўляцца ад прызначанага лячэння і самастойна перарываць яго, гэта можа прывесці да трагічных наступстваў.
Паважаныя жыхары Чэрвеньскага раёна! Выконвайце правілы ўтрымання сваіх хатніх жывёл, бо пры іх парушэнні пакутуюць навакольныя людзі і самі сябры нашы меншыя.
Зоя САВАЙТАН,
памочнік урача-эпідэміёлага ДУ «Чэрвеньскі цэнтр гігіены і эпідэміялогіі»
Карта сайта