У далейшым кіраўнікі дзвюх дзяржаў падпісалі яшчэ шэраг дакументаў, сярод якіх розныя дэкларацыі, дагаворы і пагадненні.
8 снежня 1999 года ўступіў у сілу Дагавор аб стварэнні Саюзнай дзяржавы, у сувязі з чым спыніў сваё дзеянне прававы акт 1997 года. Па дакуменце 1999 году былі сфармаваныя органы Саюзнай дзяржавы.
Працэс яднання працягваецца і ў цяперашні час. Паміж краінамі фармуецца адзіная эканамічная прастора, адбываецца рашэнне многіх важных для жыцця абедзвюх дзяржаў пытанняў.
Расійская Федэрацыя і Беларусь вядуць сумесную абаронную палітыку, цесную партнёрскую барацьбу з арганізаванай злачыннасцю, тэрарызмам.
У нашым раёне, як і па ўсёй рэспубліцы, праходзяць мерапрыемствы, прысвечаныя Дню яднання народаў Беларусі і Расіі:
ва ўстановах адукацыі - тэматычныя класныя гадзіны «Народы моцныя, калі яны разам»;
у Смілавіцкай дзіцячай школе мастацтваў - канцэрт «Народы моцныя, калі яны разам», выстава мастацкіх работ «Дзве сястры - Беларусь і Расiя»;
у раённым цэнтры культуры і вольнага часу - выстава-прэзентацыя майстроў дэкаратыўна-прыкладнога мастацтва народнага клуба «Майстры Ігуменшчыны», флэшмоб;
у Чэрвеньскім прафесійным будаўнічым ліцэі - тэматычная гасцёўня «Культура брацкіх народаў», прэс-гадзіна «Сімвал дружбы і духоўнай роднасці»;
у Чэрвенскай дзіцячай школе мастацтваў - музычна-паэтычны вечар «Дзве краіны, дзве светлых аповесці»;
у Чэрвеньскім тэрытарыяльным цэнтры сацыяльнага абслугоўвання насельніцтва - вусны часопіс «Звязаныя адным лёсам» і інш.
Марына Патапенка, галоўны спецыяліст аддзела ідэалагічнай работы, культуры і па справах моладзі райвыканкама
Карта сайта